भीमेश्वर नगरपालिकाले “उर्जा प्रभावकारी भवन निर्माण स्वीकृति सम्बन्धी कार्यविधि, २०८१” पारित गरेको छ । नगरपालिका भित्र सुरक्षित र आरामदायी भवन निर्माणका लागि नगरपालिकाको २५औ कार्यपालिका बैठकले कार्यविधि पारित गरी लागू गरेको हो ।

भीमेश्वर नगरपालिका पूर्वाधार विकास तथा वातावरण व्यवस्थापन शाखाका प्रमुख ई. सुरेश राउतका अनुसार ताप,हावा र उज्यालोको संयोजन मिलाएर भवन निर्माण गर्दा स्वास्थ्यमा लाभ हुनुका साथै घर निर्माणपछि उर्जा खपतमा कमी आउने छ  । कार्यविधि कार्यान्वयनका सन्दर्भमा उहाँले भन्नुभयो,“हामी औषत ९० प्रतिशत समय घरभित्र हुन्छौं । ताप, हावा र उज्यालोको हिसावले अब घर सुरक्षित मात्र होइन आरामदायी हुनु जरुरी छ । । ढलान घर भए पुग्ने मान्यताले हाम्रो परम्परागत आरामदायी घरको अवयवहरु भुल्दै गयौं । यी ढलान घरहरु गर्मीमा झन गर्मी अनि जाडोमा झन जाडो हुदै छन् । अव हामीले भवन निर्माण गर्दा ध्यान पु¥याउन आवश्यक छ । गर्मी होस या जाडो हामी वातावरण अनुकुलमा रहन सक्ने छौं ।”

ई.  राउतका अनुसारनयाँ घरलाई डिजाइनको चरणमा नै घरको स्थान अनुसारको ओरिन्टेसन, झ्यालरढोकाको साइज, गारो, छानो, छज्जा लगायत सुधार गर्दा ४० प्रतिशत  उर्जा प्रभावकारी बनाउन सकिने छ । प्रयोग गरिसकेका पुराना भवनलाई पनि आरामदायी बनाउन उर्जा रेक्ट्रोफिट गर्न सकिने छ।

युरोपियन युनियनको आर्थिक सहयोगमा संचालित स्वीच एसिया कार्यक्रमको अन्तर्गत बिल्डिङ इनर्जी इफिसियन्सी इन नेपाल (द्यभ्भ्ल्) परियोजनाको प्राविधिक सहयोगमा  कार्यविधि २०८१ तयार पारिएको तयार पारिएको भीमेश्वर नगरपालिकाले जनाएको छ । कार्यविधि कार्यान्वयनका लागि भीमेश्वर नगरपालिकाले नगरका प्राविधिक र नक्सा बनाउने परामर्श दाताहरुलाई ३ दिने तालिमको समेत आयोजना गरेको छ । तालिम कार्यक्रमको उद्घाटन गर्दै भीमेश्वर नगरपालिकाका मेयर ईश्वर नारायण मानन्धरले तालिमले भीमेश्वर नगरपालिकाका भवनहरु स्थानीय जलवायु अनुरुप बनाउन सहयोग पुग्ने र पर्यटन विकासलाई समेत सहयोग पुग्ने विश्वास व्यक्त गर्नुभयो । कार्यक्रममा नगरपालिका उपमेयर कमला बस्नेतले समापन सत्रलाई सम्बोधन गर्दै तालिमले न्यून कार्वन उत्सर्जन तथा जलवायु अनुकूलनमा जोड दिने गरी भवन निर्माण गरी राष्ट्रिय भवन संहिता थप प्रभावकारी कार्यन्वयनका लागि मद्दत पुग्ने बताउनु भयो । नगरपालिकाले पहिलो चरणमा सरकारी तथा सार्वजनिक भवन,दोस्रो चरणमा व्यावसायिक भवन र तेस्रो चरणमा निजी आवासीय भवनबाट काम शुरु गर्ने कार्यविधिमा उल्लेख गरिएको छ ।