गौरीशङ्कर बहुमुखी क्याम्पस चरिकोट दोलखामा विभिन्न विषयमा गेष्ट लेक्चर मार्फत  परीक्षा विशेष तयारी कक्षा सञ्चालन गरिएको छ । सेन्ट्रल कलेज अफ विजिनेश म्यानेजमेन्ट काठमाण्डौँका एकेडेमिक कोअर्डिनेटर समेत रहनुभएका सहायक प्राध्यापक विनोद अधिकारीले ५ दिनसम्म उक्त कक्षा सञ्चालन गर्नुभएको हो ।
क्याम्पसमा व्यवस्थापन संकायका प्रथम वर्ष र द्वितीय वर्षका विद्यार्थीको अर्थशास्त्र र लेखा विषयको परीक्षा विशेष तयारी कक्षा सञ्चालन गरिएको सहायक क्याम्पस प्रमुख बालकृष्ण फुँयालले बताउनुभयो । सहायक क्याम्पस प्रमुख फुँयालकाअनुसार आश्विन १ गतेदेखि ५ गतेसम्म सञ्चालन भएको विशेष कक्षामा ५० जनाभन्दा बढी विद्यार्थीको सहभागीता रहेको थियो ।

oplus_0

विद्यार्थीहरुलाई विषयवस्तुको ज्ञानसंगै परीक्षामा उत्तरलेख्ने प्राविधिक सिप तथा दक्षताको बारेमा समेत अभिमुखीकरण गरिएको क्याम्पसले जनाएको छ । क्याम्पस प्रशासन, विद्यार्थी गुणस्तर सर्कल तथा अध्ययनरत विद्यार्थीहरुको उपस्थितीमा आज एक कार्यक्रमको आयोजना गरी गेष्ट लेक्चर अधिकारीलाई क्याम्पसले धन्यवाद ज्ञापन कार्यक्रमसहित कक्षा समापन गरेको थियो ।
क्याम्पसले विगत लामो समय देखि विभिन्न विषय विशेषज्ञमार्फत समय समयमा गेष्ट लेक्चर कक्षा सञ्चालन गर्दै आएको छ ।