जिल्ला भलिबल संघ दोलखाले “दोलखा जिल्ला कप २०८१“ अन्तर पालिका स्तरीय महिला भलिबल प्रतियोगिता आयोजना गर्ने भएको छ । दोलखा जिल्लाका नगरपालिका तथा गाउँपालिकाको सहभागिता रहने गरी माग ३ देखि ५ सम्म सञ्चालन हुने जिल्ला भलिबल संघ, दोलखा अध्यक्ष बालकृष्ण खड्काले बताउनुभयो । जिल्लामा पहिलो पटक जिल्लास्तरीय भलिबल प्रतियोगिता आयोजना गर्न लागिएको जिल्ला भलिबल संघले जनाएको छ ।
दोलखा सदरमुकाम स्थित भीमेश्वर कभर्डहलमा आयोजना गरिने भलिबल प्रतियोगितामा प्रथम पुरस्कार ५० हजार ९ ट्रफि, मेडल र प्रमाण–पत्र ० द्वितीय पुरस्कार ३० हजार ९ ट्रफि, मेडल र प्रमाण–पत्र ० तृतीय पुरस्कार २० हजार ९ ट्रफि, मेडल र प्रमाण–पत्र ० र सान्त्वना १०,हजार ९ ट्रफि, मेडल र प्रमाण–पत्र ०रहने आयोजक जिल्ला भलिबल संघका सदस्य अर्जुन थापाले जानकारी दिनुभयो ।
सदस्य थापाका अनुसरा उत्कृष्ट सर्भर, उत्कृष्ट सेटर, उत्कृष्ट स्पाईकर, उत्कृष्ट डिफेन्डरलाई उत्कृष्ट खेलाडीहरुलाई सम्मानित गरिने छ । एक टिममा १२ जना खेलाडी, १ जना प्रशिक्षक र एक जना व्यवस्थापक गरी १४ जना हुनु पर्ने, खेलाडीहरु सम्बन्धित पालिकाको स्थायी बासिन्दा हुनु पर्ने र एउटा पालिकाबाट दुई वटा सम्म टिम सहभागी हुन सक्ने मापदण्ड रहेको छ भने खेलाडीहरु अनिवार्य खेल पोशाकमा हुनु पर्ने र खेल पोशाकमा भलिबलको नियम अनुसार नम्बर अनिवार्य हुनु पर्नेछ । खेलाडीहरुको खानाखाजा, आवास र यातायातको व्यवस्था सम्बंन्धित पालिकाले गर्नु पर्ने भनिएको छ ।
टिम दर्ता अन्तिम मिति २०८१ माघ १ गतेसम्म रहेको छ भने टिम दर्ता ३ हजार रहेको बताइएको छ