विरोध तमाङ

दोलखा स्पोर्टस  फेलोसिपको आयोजनामा अन्तर पालिका स्तरीय शिक्षक भलिबल प्रतियोगिता हुने भएको छ । “रुपान्तरणका लागि रुपान्तरणवादी खेलाडी“ नारा सहित दोश्रो डी.एस.एफ कप – २०८१ अन्तर पालिका स्तरीय शिक्षक भलिबल प्रतियोगिता हुने भएको हो
दोलखा स्पोट्र्स फेलोसिपको कार्यकारिणी बैठकले उक्त निर्णय गरेको दोलखा स्पोट्र्स फेलोसिपका अध्यक्ष शक्ति पाख्रिनले जानकारी दिनुभयो । “रुपान्तरणका लागि रुपान्तरणवादी खेलाडी“ नारा सहित स्थापित आयोजना गर्न लागेको प्रतियोगिताको विजेताले नगद ५० हजार सहित शिल्ड, मेडल र प्रमाणपत्र प्राप्त गर्नेछन भने दोश्रो र तेश्रो हुने टिमले क्रमसः नगद रु ३० हजार र रु. २० हजार सहित शिल्ड, मेडल र प्रमाणपत्र जित्नेछन् ।
माघ १५ देखि –१७ गते सम्म सदरमुकाम चरिकोट स्थित कभर्ड–हलमा सम्पन्न हुने आयोजकले जनाएको छ । सम्पूर्ण खेलहरु ँक्ष्ख्ब् को नियम अनुसार खेलाइने छ ।

गत साल सम्पन्न डी.एस.एफ कप पहिलो संस्करणको उपाधि भीमेश्वर नगरपालिकालाई ३–२ को प्रतिस्पर्धात्मक सेटमा पराजित गर्दै कालिन्चोक गाउँपालिकाले कब्जा गरेका थिए।