विरोध तमाङ
दोस्रो डी.एस.एफ कप अन्तरपालिका स्तरीय शिक्षक भलिबल प्रतियोगिताको सम्पूर्ण तयारी पूरा भएको आयोजक संस्था दोलखा स्पोट्र्स फेलोसिपले जनाएको छ । सोमबार सदरमुकाम चरिकोटमा आयोजित पत्रकार सम्मेलनमा प्रतियोगिताको तयारी पूरा भएको डी.एस.एफका अध्यक्ष शक्ति पाख्रिनले जानकारी गराउन भएको हो ।
कार्यक्रमको अवशर पारेर ’टाइ–सिट’ घोषणा र ’ट्रफी’ सार्वजनिक गरिएको छ ।
प्रतियोगिताको विजेताले नगद रु. ५० हजारसहित प्रमाणपत्र, ट्रफी र मेडल हात पार्नेछ भने दोश्रो र तेश्रो हुने टिमले ३० हजार र . २० हजारसहित ट्रफी, मेडल र प्रमाणपत्र प्राप्त गर्ने आयोजकले जनाएको छ ।
प्रतियोगिता माघ १५ देखि १७ गतेसम्म कवर्ड हल चरिकोटमा आयोजना गर्न लागिएको प्रतियोगितामा ११ टिमको सहभागिता रहने छ । “रुपान्तरणका लागि रुपान्तरणवादी खेलाडी“ मूल नारासहित स्थापना भएको दोलखा स्पोट्र्स फेलोसिपको मुख्य उदेश्य खेलकुदको गतिविधि सन्चालन गर्दै छरिएका खेलाडीहरुलाई एकत्रित गर्दै भाइचारालाई बढवा दिने रहेको बताइएको छ ।