राष्ट्रिय शिक्षक सङ्गठन भीमेश्वर नगर समितिले नेपाल राष्ट्रिय शिक्षक सङ्गठन जिल्ला समिति, दोलखालाई संस्थागत सम्मान कार्यक्रमको आयोजना गरेको छ । शनिबार सदरमुकाम चरिकोटमा सम्पन्न एक कार्यक्रममा राष्ट्रिय शिक्षक सङ्गठन जिल्ला समिति दोलखाका नवनिर्वाचित अध्यक्ष किशोर दहाल लगायत ७६ जनाको समितिलाई सम्मान गरेको हो ।
भीमेश्वर नगर समिति र जिल्ला समितिबीच समन्वय तथा सहकार्य साथै कार्यगत एकताको उद्देश्यले सम्मानसहित शुभकामना तथा बधाई कार्यक्रमको आयोजना गरिएको नगरसमिति उपसचिव समीरा बस्नेतले बताउनुभयो ।
नगर समिति अध्यक्ष अन्जना सुवेदीको अध्यक्षतामा सम्पन्न कार्यक्रममा माघ १७ र १८ गते सम्पन्न शिक्षक संगठन जिल्ला समितिको अधिवेशमा निर्वाचित पदाधिकारीलाई सम्मानसहित बधाई र शुभकामना प्रदान कार्यक्रम आयोजना गरिएको भीमेश्वर नगर संगठन समितिले जनाएको छ ।
नेपाल राष्ट्रिय शिक्षक सङ्गठन बागमती प्रदेश सदस्य शान्त लामाको प्रमुख आतिथ्यतामा सम्पन्न कार्यक्रममा संगठन जिल्ला समितिका पूर्वअध्यक्ष बालकुमार गिरी,निवर्तमान अध्यक्ष सञ्जय खड्का , जिल्ला समिति अध्यक्ष किशोर दाहाल,नेकपा एमाले भीमेश्वर नगर कमिटी अध्यक्ष भोला खतिवडा लगायतले शुभकामनासहित प्रशिक्षणात्मक मन्तव्य व्यक्त गर्नुभएको थियो ।
भीमेश्वर नगर समितिले यस अगाडि चर्णावती वृद्धाश्रमका वृद्धाका लागि चौबन्दी बृद्धको लागि जाडोको न्यानो ज्याकेट साथै तातोपानीको थर्मस पानी तताउने जग र पोषणयुक्त खाद्य सामग्री वितरण गरेको थियो ।
भीमेश्वर नगर समितिको नीति र वार्षिक कार्ययोजना अनुसार विभिन्न गतिविधिहरु सञ्चालन गर्दै आएको छ ।