नेकपा एमाले दोलखाको ९ बुँदे घोषणापत्र सहित २ दिने सितली कार्यशाला सम्पन्न भएको छ ।
टोल र जनताका घरसम्म नेता र कार्यकर्ता परिचालन गर्ने तीन महिने जरा केन्द्रित अभियान अन्तरगत मेलुङको सितलीमा २ दिने कार्यशाला आयोजना गरिएको नेकपा एमाले दोलखाले जनाएको छ ।

कार्यशालाले जिल्लाका सबै वडामा फोकल पर्सन तयार पार्ने काम गरेको छ भने गरेको छ भने वडा केन्द्रित अभियानको लागि टिम गठन मापदण्ड तयार गरेको छ । वडा केन्द्रित जरा अभियान संचालनको लागि विधि, प्रक्रिया र नमूना गतिविधिहरुको पहिचान र अभियान प्रारम्भ मितिसमेत तयार गरेको छ ।

नेकपा एमाले दोलखाका अध्यक्ष नर बहादुर श्रेष्ठको प्रमुख आतिथ्यतामा सम्पन्न कार्यशालामा जिल्ला इन्चार्ज पार्बत गुरुङ, प्रदेश सभा सदस्य भरत के.सी.,केन्द्रिय सल्लाहकार परिषद सदस्य डबल पाण्डे लगायतले कार्यक्रमको सहजीकरण गर्नुभएको थियो ।

कार्यक्रममा दोलखाका सबै पालिका कमिटि,निर्वाचित अध्यक्ष,उपाध्यक्ष,पालिका इन्चार्ज,जिल्ला कमिटि सचिवालाय,जिल्ला कमिटीका पदाधिकारीको उपस्थिति रहेको मेलुङ गाउँपालिका कमिटिले जनाएको छ । नेकपा एमाले मेलुङ गाउँपालिका कमिटिको आयोजनामा कार्यक्रम आयोजना गरिएको हो ।