दोलखा सदरमुकाम चरिकोटमा लामोसमयदेखी चुनौतीको रहेको ढल व्यवस्थापनको काम अघि बढेपछि बजारबासीलाई सहज भएको छ ।
एशियाली विकास बैकको ८५ प्रतिशत र भीमेश्वर नगरपालिकाको १५ प्रतिशत लगानीमा नगरका ३ वटा वडालाई लक्षित गरी ढल निर्माणको काम अघि बढेपछि सहज भएको हो ।
करिब ६२ करोड ९२ लाखको लागतमा ४ बर्षअघि सुरु भएको ढल व्यवस्थापन र प्रतिदिन १९ लाख लिटर पानी प्रशोधन गर्ने प्रसोधन केन्द्रको काम अन्तिम चरणमा रहेको छ ।
पहाडी क्षेत्रको बजार चरिकोटको ढललाई व्यवस्थापनको कामले बजार क्षेत्र अस्त व्यस्त बन्दा स्थानीयले हैरानी मात्रै खेपेका छैनन् व्यापार व्यवसायमा पनि चौपट बनेको दोलखा चेम्बर अफ कमर्शका अध्यक्ष रुद्र जंग बुढाथोकीको भनाई छ ।

बजार क्षेत्रमा एकतिरको सडकको काम सकेर मात्र अर्र्कोतर्फको काम थाल्न स्थानीय व्यापारी अनिता श्रेष्ठले ठेकेदारलाई आग्रह समेत गर्नुभयो ।

एडिविले पहाडी क्षेत्रको ढल व्यवस्थापनको पाइलट प्रोजेक्टको रुपमा बनिरहेको यो योजना जेठ मसान्तसम्म सकिने लक्ष्य राखिएको सहरी खानेपानी तथा सरसफाई आयोजना दोलखालका इन्जिनियर सन्तोष भुजेलले बताउनुभयो ।

यो योजनाबाट भीमेश्वर नगरपालिकाका ३ र ६ को ढल व्यवस्थापनसहित प्रशोधित ढलको पानीबाट तल्लो क्षेत्रमा सिचाई सुविधाले १५ सय घरधुरी लाभान्वित हुनेछन् ।
थप तस्विरहरु