मन्दिरा थापा

भिमेश्वर नगरपालिका वडा नम्बर २ की वडा सदस्य मुना श्रेष्ठलाई घरको काम सकेर वडा कार्यलय पुग्न हतारो पर्छ ।
वडा सदस्य मात्र नभएर कार्यवाहक अध्यक्षको जिम्मेवारी समेत पाएपछि उनको दैनिकी फेरिएको छ ।
निर्वाचित भएर आएको सुरुदेखी नै अध्यक्ष काममा बाहिर हुदा कार्यवाहक अध्यक्षको जिम्मेवारी सम्हालेकी श्रेष्ठले वडामा पुगेर जनताका गुनासा, रिस र आवेगलाई सहज रुपमा लिदै काम गदै आइरहेकी छिन ।
१२ वर्षको उमेरदेखी जन्म गाउ लापिलाङबाट राजनिति सुरु गरेकी श्रेष्ठले २०६७ सालमा विहे गरेर दोलखा बजार आएपछि राजनितिमा निस्क्रिय जस्तै भएकी थिइन ।
पारिवारिक जिम्मेवारीले गर्दा राजनितिमा सक्रिय रुपमा नलागेपनि उनी सभा, सम्मलेनमा भने सहभागी हुदै आएकी थिइन ।
राजनिती राम्रो संग बुझेकी श्रेष्ठलाई २०७४ मा वडा सदस्यको प्रस्ताव आएपनि बच्चा सानो भएकाले जिम्मेवारी लिनबाट पछि हटेकी श्रेष्ठ २०७९ मा वडा सदस्य निर्वाचित भएपछि अहिले २०८४ मा वडा अध्यक्षको लागी दाबेदार बनिरहेकी छिन ।
उनी भन्छिन–“वडाको विकास योजना, बजेट, यहाका समस्या राम्रोसंग बुुझेको छु , कार्यवाहकको जिम्मेवारीले थप बुुझन सहज भएकाले अब मेरो दावी वडा अध्यक्षमा रहने छ । ”
वडामा रहेर काम गर्दा उनले प्रत्यक्ष रुपमा १३ जना महिलालाई बाटेको धुप बनाउने तालिम दिएर स्वरोजगार समेत बनाएकी छिन ।
वडामा सुरुमा वडा सदस्य निवाचित भएर भेला, बैठकमा जादा बोल्न एकदम डराउने श्रेष्ठले अहिले निर्धक्कसंग आफना कुरा खुलेर राख्ने भएकी छिन ।
भिमेश्वर नगरपालिकाको कार्यपालिका सदस्य समेत रहेकी श्रेष्ठले दलित महिला केन्द्रले नेपालले तालिम दिएपछि वडाको बजेट, योजना छनौटका ७ चरण, लक्षित वर्गको बजेट राम्रोसंग बुुझन पाएको बताउछिन ।
उनी भन्छिन– ”निर्वाचित भइयो, जिम्मेवारी के —के हो अनविज्ञ थिए, पछि तालिम लिदै गएपछि सबै बुुझे, आफना एजेण्डाहरु बैठकमा राख्न सक्ने भए । ”
प्लस टु सम्म अध्ययन गरेकी श्रेष्ठ २०८४ को चुनावमा आफुलाई पार्टीले वडा अध्यक्षको टिकट दिनेमा उनी विश्वस्त छिन ।
घरको काममा श्रीमानको साथ समेत पाएकी श्रेष्ठ वडाको विकासलाई कसरी समुन्नत बनाउने र महिला लक्षित कार्यक्रमलाई प्रभावकरी बनाउने भन्ने योजना बनाइरहेकी छिन ।