मन्दिरा थापा

सधै आफुलाई व्यस्त राख्न रुचाउने सन्तोषी श्रेष्ठले राजनितीमा गएर जनप्रतिनिधी हुुन्छु भन्ने सोच कहिले पनि राखेकी थिइनन ।
भिमेश्वर नगरपालिका वडा नम्बर ३ चरिकोटकी सन्तोषी श्रेष्ठ पेशाले व्युटीसियन हुदै व्यवसायी पनि हुन ।
विवाहपछि व्युटीसियन तालिम लिएर पार्टरमा व्युुटीपार्लर खोलेर व्यवसायी सुरु मात्र गरिनन उनले संगसंगै अचार बनाउने तालिम पनि लिएर आफुुलाई व्यस्त राखिन ।
व्युुटीपार्लर संगसंगै अचार बनाउन थालेपछि धेरै मान्छेसंग चिनचान भयो । धेरै कुरा थाहा भयो । २०७४ मा स्थानीय तहको निर्वाचन हुुने भएपछि परिवारको सल्लाहमा वडा सदस्यको उम्मेदवारी दिइन ।नेपाली काग्रेसले पनि उसलाई विश्वासले उम्मेदवार घोषणा गरिदियो ।
२०७४ मा जनताको मन जित्न सफल श्रेष्ठलाई २०७९ मा वडा अध्यक्ष उठने मन थियो तयारी पनि त्यही अनुसारले गरेकी थिइन ।
तर पार्टीले उनलाई पुन वडा सदस्य दोहाराउन आग्रह गर्यो । त्यसलाई स्वीकारेर उनी दोस्रो कार्यकाल पनि वडा सदस्य निर्वाचित भइन ।
अघिल्लो कार्यकालमा वडा सदस्य भएर हरेक कार्यक्रममा गएपनि बोल्न डराउने श्रेष्ठलाई यो कार्यकालमा भने सभा सम्मेलनमा बोल्न सक्ने हिम्मत र आट आएको छ ।
आफना कुरा खुलेर राख्न सक्ने श्रेष्ठ भन्छिन –“यत्तिको हिम्मत र आट चाहि दलित महिला केन्द्र नेपालले गर्दा आएको हो । ”
तालिमहरु नपाउदा आफनो जिम्मेवारी थाहा नपाउदा बोल्न गर लाग्ने रहेछ, अहिले तालिमले वडाका हरेक बजेटदेखी लिएर विकासका हरेक कुरा थाहा पाएकी छु, त्यसले गर्दा बोल्न सहज भएको छ ।
व्युुटी सियन , अचार बनाउने देखी लिएर होलसेल व्यापारी सम्म हुदा उनले वडाका कामलाई पनि उत्तिकै प्राथमिकता दिएर आफनो जिम्मेवारी निर्वाह गरेकी छिन ।
अचार बनाउने तालिम उपलब्ध गराएर १६जना महिलालाई स्वरोजार बनाएकी श्रेष्ठले अर्केा आर्थिक वर्ष पनि नयाँ कार्यक्रम ल्याउने योजना बनाइरहेकी छिन ।
जनताका समस्या बुुझन घरदैलो सम्म पुुग्ने श्रेष्ठलाई २०८४मा वडाअध्यक्ष हुनका लागी योग्य भएको महसुस समेत भएको छ ।
उनी भन्छिन– “८ वर्षमा धेरै कुराको ज्ञान भयो, तालिमहरुले पनि थप सक्षम बनाएको महसुस भएको छ । ”
उनीमात्र होइन दोलखा भिमेश्वर नगरपालिकाका ९ वटा वडाका १६जना वडा सदस्यलाई आफनो जिम्मेवारी र वडाका हरेक गतिविधीको बारेमा राम्रो ज्ञान भएको छ ।
२०७८ सालदेखी दलित महिलाको क्षेत्रमा काम गदै आएकोमा २०७९ मा देखी निर्वाचित नगर सदस्यहरुलाई लक्षित गरी कार्यक्रम गदै आएको संस्थाका फिल्ड अधिकृत रविन्द्र घतानीले बताउनुुभयो ।