कांग्रेसमा फेरि महाधिवेशन सार्ने प्रयास, पुसमा गर्ने महामन्त्रीको प्रस्ताव

3 वर्ष अगाडि | समदृष्टि अनलाइन

सत्तारुढ नेपाली कांग्रेसमा संस्थापन पक्षले केन्द्रीय महाधिवेशन एक महिना पछाडि सार्ने प्रस्ताव गरेको छ ।

बिहीबार साँझ बसेको पदाधिकारी र पूर्व पदाधिकारीहरुको बैठकमा महामन्त्री पूर्णबहादुर खड्काले मंसिर ७ देखि १३ गतेका लागि तोकिएको महाधिवेशन पुस सम्म सार्ने प्रस्ताव अघिसारे।

उपसभापति विमलेन्द्र निधिको उपस्थितिमा भएको बैठकमा खड्काले पुसमा केन्द्रीय महाधिवेशन गर्ने प्रस्ताव राखेका हुन्।

त्यसो त प्रधानमन्त्री समेत रहेका पार्टी सभापति शेरबहादुर देउवा पनि बैठकमा उपस्थित थिए तर, उनी बैठक सुरु गरेर हिडेपछि निधिको नेतृत्वमा बैठक बसेको हो।

यता कांग्रेसको क्रियाशील सदस्यता सार्वजनिक नभएकै कारण १३ जिल्लामा वडामा आजसम्म्पनि अधिवेशन हुन सकेको छैन ।

अर्कोतीर २० वटा हिमाली जिल्लामा दशैं अगाडि नै जिल्ला अधिवेशन गर्ने सहमति कांग्रेसमा जुटेको छ ।