दोलखाको सदरमुकाम चरिकोटमा रहेको मिलिजुली कालिञ्चोक बचत तथा ऋण सहकारीको २८ औ बार्षिक सभाको निर्णय प्रमाणित तथा समापन कार्यक्रम चरिकोटमा सम्पन्न भएको छ । राष्ट्रिय सहकारी बैंकका अध्यक्ष केबि उप्रेतीले एक कार्यक्रमका विच कार्यक्रम उद्घाटन गर्नु भएको थियो । संघले क्षेत्रगत रुपमा साधारण सभा गरि सकेपछि सभाको निर्णय प्रमाणित कार्यक्रम गरेको हो । संस्थाका अध्यक्ष नारायण बहादुर श्रेष्ठको अध्यक्षतामा भएको कार्यक्रममा सहकारीका संस्थापक अध्यक्ष रामदास श्रेष्ठ, संस्थाका उपाध्यक्ष सरुणा बस्नेत लगायतले शुभकामना मन्तव्य गर्नु भएको थियो । सहकारीले वार्षिक उत्सवको अवसरमा पुर्व सञ्चालकहरु नवराज न्यौपाने, हरिहर न्यौपाने, योगदानकर्ताहरु सुरेश राउत, नारायण शिवाकोटीलाई सम्मान गरेको छ । यस्तै उत्कृष्ट सेवा केन्द्र बाघ खोर सेवा केन्द्र, वर्ष उत्कृष्ट बचतकतार्, प्राप्ती खड्का, वर्ष उत्कृष्ट करारोबार कर्ता मुना कार्की, उत्कुष्ट दैनिक बचतकर्ता डुक्पा तामाङ, उत्कुट मासिक बचतकर्ता रामकुमार गुरुङ, उत्कृष्ट शेयर खरिदकर्ता जानुकी खड्का लगायत विभिन्न विधामा संस्थाका शेयर सदस्यलाई नगद सहित सम्मान गरिएको छ । त्यसैगरी सहकारीले उत्कृष्ट कर्मचारीहरु रजिना चौलागाईं, रामेश्वर खडका र पूर्व कर्मचारी निर्मला शिवाकोटीलाई पनि नगद सहित सम्मान गरेको थियो ।२०५० साल भदौ ७ गतेबाट सञ्चालन भएको सहकारीमा हाल ४४ जना कर्मचारी रहेका छन् भने ९ वटा सेवा केन्द्र मार्फत सहकारीको जिल्ला कार्यक्षेत्र रहेको छ