कात्तिक १४
दोलखा जिल्लाको उत्तरी भेगमा रहेको सिंगटीबजारमा नेकपा एमालेको ३ गाउँपालिकाको संयुक्त कार्यक्रम एकसाथ सम्पन्न भएको छ । दोलखाका उत्तरी गाउँपालिका बिगु,कालिन्चोक र गौरीशंकर गाउँपालिकाको गाउँअधिवेशन र घोषणा सभा कार्यक्रम एक आइतबार सम्पन्न भएको हो ।

अधिवेशनबाट कालिन्चोक गाउँपालिका इश्वरीप्रसाद दहाल,विगु गाउँपालिका टेकमान तमाङ र गौरीशंकर गाउँपालिकामा जंग गुरुङको अध्यक्षतामा ७५ सदस्यीय पालिका कमिटी गठन भएका छन्,त्यसै गरी युवा संघ नेपाल, अखिल नेपाल महिला संघ समेत गठन भएको छ । नेकपा एमालेका स्थायी समितिका सदस्य टोप बहादुर रायमाझीको प्रमुख आतिथ्यतामा सम्पन्न कार्यक्रममा बागमती प्रदेशका अध्यक्ष आनन्द प्रसाद पोखरेल र नेकपा एमालेका केन्द्रीय सदस्य एवम् दोलखा ईन्चार्ज पार्वत गुरुङ,नेकपा एमाले दोलखाका पार्टी अध्यक्ष ईश्वरचन्द्र पोखरेल लगायतका नेताले सभालाई सम्बोधन गर्नुभएको थियो । ।