पाच सय वर्ष पुरानो जात्रा निकाल्ने कुमारी घर पुनपाच सय वर्ष पुरानो जात्रा निकाल्ने कुमारी घर पुननिर्माण हुन नसकेपछि स्थानीयहरु श्रमदा गरी निर्माणमा जुटेका छन ।
प्राचीन शहर दोलखाको दोलखा बजारमा भुकम्पपछि भग्नावेशमा परिणत भएको कुमारी घर ६ वर्षसम्म पनि पुननिर्माण हुन नसकेपछि स्थानीयले श्रमदान गरी निर्माण गरेका हुन ।
स्थानीयको ४३ लाख र वडा कार्यलयको १४ लाख गरी ५७ लाखको लागतमा निर्माणधीन उक्त घरका लागी अझै रकम जुटाउने काम भइरहेको स्थानीयको भनाई छ
रकमसंगै झयालढोका समेत सहयोगी मार्फत जुटाएका स्थानीयले जम्मा लागत करिब १ करोड लाग्नेमा अझै रकम अभाव भइरहेको बताउदै आएका छन ।
मल्लकालिन कला कौशललाई झल्काउने गरी परम्परागत नेवारी शैलीका बुट्टाका झयाल ढोकाहरु हालेर निर्माण गरेको स्थानीयको भनाई छ ।
भुकम्पले कुमारी घर भत्किएपछि भैरव र कुमारीको मुर्तिलाई अस्थायी टहरा निर्माण गरी राखिएको वडा अध्यक्ष विराज श्रेष्ठले बताउनुभयो ।
भिमेश्वर नगरपालिका वडा नम्बर २ दोलखा स्थित टसिचा टोलमा निर्माण भइरहेको उक्त भवन निर्माणपछि पुजा विधि गरी मुर्तिलाई सो स्थानमा ल्याई राखिने स्थानीयले बताएका छन ।
गाइजात्राको भोलिपल्टदेखी ५ दिनसम्म मनाइने भैरवकुमारी जात्रा निकाल्न कुमारी घर प्रयोग हुदै आएको छ ।
५ सय वर्ष पुरानो मानिने सो जात्रा दोलखा बाहेक देशको अन्य ठाउमा नदेखाइने स्थानीयको दावी छ ।