पुष २६

दोलखा — नेकपा एमाले दोलखाको दशौ अधिवेशनबाट नरबहादुर श्रेष्ठ विजयी हुनु भएको छ । सोमबार राति सम्पन्न मतगणनामा उहाँले ५०९ मत प्राप्त गरेर विजयी हुनु भएको हो । अध्यक्षका प्रतिस्पर्धी भरत दुलालले २८४ मत प्राप्त गर्नुभएको थियो । श्रेष्ठले प्रतिद्वन्दी दुलाललाई २ सय २५ मतको अन्तरले पराजित गर्नु भएको थियो । । यस्तै उपाध्यक्षमा राजेन्द्र मानन्धर विजयी हुनुभएको छ । उहाँले २७४ मत प्राप्त गरेर विजयी भएका हुन् । उनका प्रतिस्पर्धी प्रेमकुमारी चौलागाईले २६५ मत प्राप्त गर्नु भएको थियो । उपाध्यक्षमा ४ जना प्रत्यासी थिए।
यसैबीच सचिव पदमा हिरा थोकर विजयी हुनु भएको छ। थोकरले होम पाठकलाई २ सय २६ मतको अन्तरले पराजित गरेर विजयी हुनु भएको हो।

दुई सिटको उपसचिव पद मध्ये एउटा सिटमा धर्मेन्द्र मोक्तानले जिते भने अर्को सिटमा कमला बस्नेत र सुन्दर कार्कीको बराबरी मत आएको छ। यस्तै सचिवमा ४९६ मत ल्याएर हिरा थोकर विजयी भएका छन् । उपसचिवमा धमेन्द्र मोक्तान विजयी भएका छन् ।।र

कमला बस्नेत र सुन्दर कार्कीबीच बराबरी भएपछि दुवै जनाले आधाआधा कार्यकाल पाउने भएको निर्वाचन कमिटीले जनाएको छ । दुवै जनाले २२३ समान मत प्राप्त गरेका थिए । एमाले जिल्ला कमिटीमा २ जना उपसचिव रहने व्यवस्था छ । ९० सदस्यीय जिल्ला कमिटी मध्ये अधिकांशमा चुनाव भएको थियो। भुगोल तर्फका गौरीशंकर गाउँपालिकाको महिला, जिरी, विगु, शैलुङ, भीमेश्वर, कालिञ्चोक गाउँ पालिकाका महिला सदस्य र भुगोलकै गौरीशंकर, जिरी, विगु, मेलुङ, मजदुर, कालिञ्चोक पालिकाका खुला सदस्य निर्विरोध भएको निर्वाचन समितिका संयोजक शंकरलाल श्रेष्ठको भनाइ छ ।
आइतबार भएको मतदानमा ८ सय ७ मत खसेको थियो। २३ गते उद्घाटन सत्र सम्पन्न गरेको नेकपा एमाले दोलखाले २४ गते मनोनयन दर्ता र २५ गते निर्वाचन सम्पन्न गरेको थियो ।