सरकारी र स्थानीय तहका दोलखामा कोभिड १९ को तेस्रो लहर फैलिएसँगै दोलखाका स्थानीय तहदेखी सरकारी कार्यालयले धमाधम सेवा स्थगित गर्न थालेका छन् ।
गत आईबारबाट बारको आधारमा सेवा दिदै आएको जिल्ला प्रशासन कार्यालय दोलखाले आजबाट आगामी १६ गते सम्मका लागि सेवा स्थगित गरेको प्रशासकीय अधिकृत औलाख बहादुर आलेले बताउनुभयो । कार्यालयका केही कर्मचारीहरुलाई समेत कोरोना संक्रमण पुष्टि भएको र अन्य कर्मचारीहरुमा समेत कोरोना संक्रमणसँग मिल्दो जुल्दो लक्षणहरु देखा परेकाले कार्यालयबाट प्रवाह हुने शान्ति सुरक्षा तथा अत्यावश्यक सेवा वाहेकका अन्य सेवाहरु स्थगित गरिएको अधिकृत आलेले बताउनुभयो ।
त्यस्तै जिल्लाको विगु गाउँपालिकाले केही जनप्रतिनिधि तथा कर्मचारीहरुमा संक्रमण पुष्टि भएकोले ११ गतेबाट १४ गते सम्मका लागि सेवा प्रवाह स्थगित गरेको निमित्त प्रमुख प्रशसकीय अधिकृत ईश्वरकुमार खड्काले जानकारी दिनुभयो । गाउँपालिकामा कार्यरत १८जना कर्मचारीहरुको एन्टिजिन परीक्षण गराउँदा प्रमुख प्रशासकीय अधिकृत लगायत ४ जना कर्मचारीहरुमा संक्रमण पृष्टि भएपछि जिल्लाको कालिञ्चोक गाउँपालिकाले पनि १० गतेबाट अत्यावश्यक सेवा बाहेक अन्य सबै सेवाहरु ५दिनका लागि स्थगित गरेको छ ।शैलुङ गाउँपालिकाले कर्मचारीमा कोरोना संक्रमण पृष्टि भएपछि पालिकाले गत ७ गते देखी भोलि सम्मका लागि अत्यावश्यक सेवा बाहेक अन्य सबै सेवाहरु स्थगित गरेको छ । त्यसैगरी जिल्लाको तामाकोशी गाउँपालिकाले पनि माघ ६ गते देखी १२ गते सम्मका लागि अत्यावश्यक सेवा बाहेक अन्य सबै सेवाहरु स्थगित गरेको छ ।
जिल्लामा मंगलबार सम्म १ सय ८ जना महिला र पुरुष १ सय १७ जना गरी हाल २ सय २५ जना सक्रिय संक्रमित रहेको स्वास्थ्य कार्यालय दोलखाले जनाएको छ । संक्रिय सक्रमित सबैै होम आईसोलेसनमा बसेका छन ।