जिल्ला अदालत दोलखामा सम्बन्ध विच्छेदको मुद्धा दर्ता गर्ने क्रम बढेको छ ।
सम्बन्ध विच्छेदको तथ्याङकहरुलाई आधार मान्ने हो भने पनि ९० प्रतिशत महिलाहरुले सम्बन्ध विच्छेद गरेको जिल्ला अदालत दोलखाले जनाएको छ ।
सानै उमेरमा अभिभावकको करकापमा तथा आफ्नै इच्छामा विवाह गर्ने तर भविष्यमा कुरा नमिल्दा छुट्टिने क्रम बढेको हो । दोलखा जिल्ला अदालतमा अघिल्लो वर्षबाट सरेका ५३ र चालु आर्थिक बर्षको साउन देखी हाल सम्म दर्ता भएका १ सय ४ गरि १सय ५७ वटा सम्बन्ध विच्छेदका मुद्धा छन् ।
चालु आर्थिक वर्षामा १ सय ५७वटा सम्बन्ध विच्छेदका मुद्धा मध्ये ८८जोडीको सम्बन्ध विच्छेद भई सकेको जिल्ला अदालत दोलखाका श्रेस्तेदार शिवकुमार पोखरेलले बताउनुभयो । उहाँका अनुसार आर्थिक वर्ष २०७७÷७८ मा अदालतमा सम्बन्ध विच्छेदका लागि निवेदन दर्ता गराएका १ सय ७४ वटा जोडी मध्ये १सय २१जोडीको सम्बन्ध विच्छेद भएको थियो ।जिल्लामा सम्बन्ध विच्छेदका लागि निवेदन दिने सबै भन्दा धेरै महिला रहेका छन ।
सामाजिक सञ्जालको माध्यमबाट चिनजान र कम उमेरमै प्रेम तथा विवाह गर्ने र समान्य विवादमै सम्बन्ध विच्छेद गर्ने क्रम बढेको वताईएको छ ।