भीमेश्वर नगरपालिका दोलखाले नगरभित्रका बाल क्लवका प्रतिनिधिहरुका लागि ४ दिने अध्यययन अवलोकन भ्रमण आयोजना गरेको छ । । बालमैत्री नगरपालिकाको अवलोकन र वालमैत्री नितीगत अभ्यास अनुभव आदानप्रदान गर्ने उद्देश्यले भ्रमणको आयोजना गरेको भीमेश्वर नगरपालिका वरिष्ठ कार्यक्रम अधिकृत नारायण प्रसाद सेढाइँले बताउनु भयो । अध्ययन अवलोकन भ्रमणमा २२ जना बालबालिका ४ जना कार्यालयका प्रतिनिधिको सहभागिता रहेको थियो ।
नेपालको पहिलो बालमैत्री नगरपालिका नवलपरासीको देवचुली नगरपालिकाको भ्रमण गर्दैं बालमैत्री नगर देवचुलीका कार्यालय कर्मचारी र बालक्लवसंग अनुभव आदानप्रदान कार्यक्रम गरिएको थियो । ०७५ सालमा नेपालकै पहिलो बालमैत्री नगर देवचुलीले सामुदायिक विद्यालयमा विद्यालय बस सञ्चालन गर्न सहयोग गर्दैं बालक्लव सक्रिय रहेको फरक अनुभव जानकारी गराएका थिए । भने वागमती प्रदेश कै पहिलो बालमैत्री नगर भीमेश्वरका बालबालिकाले पनि नगरले सञ्चालन गरेका अभियानका विषयमा आपना अनुभूति साँटेका थिए । देवचुली नगरपालिकासंगै पर्यटकीय क्षेत्र पोखरा र गोरखाको मनकामना लगायतका क्षेत्रको अवलोकन गरे ।
अध्ययन भ्रमणमा सहभागि भएका बालबालिकाले भ्रमण निक्कै फलदायी भएको प्रतिक्रिया दिएका छन् । भ्रमणमा सहभागि बुढाभीमेसन मावि धरमघर दोलखाकी छात्रा सलिना खड्काले खुसी हुँदै भन्नुभयो,“ नयाँ ठाउँ घुमेर असल कुरा सिक्न पाउँदा हामी खुसी भएका छौ । बालक्लवमा बसेर नमुना काम गरेर देखाउन उत्साह थपिएको छ । ”

।नगरको बालमैत्री अभियानलाई सार्थक बनाउन प्रस्तावित वार्षिक कार्यक्रम अन्तरगत अध्ययन अवलोक भ्रमणको आयोजना गरिएको आयोजकको भनाई छ ।
वालक्लव पुनरगठन र परिचालन,बालविवाह विरुद्धको अभियान सञ्चालन,बालक्लवका पदाधिकारीलाई तालिम,अभिमुखीकरण,बालभेला सञ्चालन,सरोकारवाला निकायको अनुगमन,अभिभावक विहीन बालबालिकालाई सहयोगका कार्यक्रम सञ्चालन गर्दै आएको छ । भीमेश्वर नगरपालिकामा ३० भन्दा बढी बालक्लवहरु क्रियाशील रहेका छन् ।
बालमैत्री घोषणापछि बालबालिकाको पहिलो भ्रमण भएको नगरले जनाएको छ । आगामी दिनमा अध्ययन अवलोकन भ्रमणलाई निरन्तरता दिने नगरपालिका बालबालिका शाखाको योजना रहेको छ ।