दोलखामा सुवेदी समाज गठन गरिएको छ । हिजो सम्पन्न सुवेदी बन्धुहरुको भेलाले गुणराज सुवेदीको अध्यक्षतामा सुवेदी समाज दोलखा गठन गरिएको हो । समितिको उपाध्यक्षमा माधव प्रसाद सुवेदी, विन्दा सुवेदी,सचिव जगत प्रसाद सुवेदी,कोषाध्यक्ष मेनुका सुवेदी रहनु भएको छ । सदस्यहरुमा सिता केसी(सुवेदी)अर्जुन सुवेदी,लिला बहादुर सुवेदी,वेद बहादुर केसी,भीम प्रसाद सुवेदी रहनु भएको छ । वेद बहादुर केसी,इन्द्रप्रसाद सुवेदी,बालकृष्ण सुवेदी,रण बहादुर सुवेदी र कृष्ण प्रसाद सुवेदी सल्लाहकार समितिमा रहनु भएको छ ।

सुवेदी कल्याण प्रतिष्ठान केन्द्रीय कुलाधिपति ऋषी प्रसाद सुवेदीको प्रमुख आतिथ्यता सम्पन्न कार्यक्रममा वागमती प्रदेश अध्यक्ष कृष्ण प्रसाद सुवेदी र कुल रक्षक माधव प्रसाद सुवेदीको विशेष आतिथ्यता रहेको थियो । देशभरीका सुवेदीहरूलाई एउटै मालामा गास्ने अभियान अन्तरगत दोलखामा पनि सुवेदी समाज गठन गरिएको समाजकी कोषाध्यक्ष मेनुका सुवेदीले बताउनुभयो । दोलखा जिल्लामा १५ हजार सुवेदीहरु रहेको सुवेदी समाजको भनाइ छ । जसमध्ये ७० प्रतिशत भीमेश्वर नगरपालिकामा रहेका छन् । दोलखाका २ नगरपालिका र ७ गाउँपालिकाका विभिन्न स्थानमा सुवेदीहरुको बसोबास रहेको छ ।