प्रमिला सेढाईँ

आदिवासी जनजातिका अमूर्त साँस्कृतिक सम्पदाको विवरण सूचि तयार तथा संरक्षण विषयक अभिमुखीकरण कार्यक्रम सम्पन्न भएको छ । संस्कृति पर्यटन तथा नागरिक उड्यन मन्त्रालय काठमाण्डौको आयोजना तथा भीमेश्वर नगरपालिका दोलखाको सहआयोजनामा ३ दिने कार्यक्रम सम्पन्न भएको हो ।
कार्यक्रममा संस्कृति विद भीम नेपाल,मन्त्रालयका उपसचिव पुण्यमाया गुरागाईँ,जयन्ती श्रेष्ठ प्रधान लागयतले संस्कृति अभिलेखीकरणका विषयमा सहजीकरण गर्नुभएको थियो ।

तालिम अवधिमा दोलखामा प्रचलित भैरव कुमारी जात्रा, मछिद्रनाथ रथयात्रा र कुशुले जातिले बजाउने विशेष बाजाको सम्बन्धमा कार्यक्षेत्रमा अध्ययन समेत गरिएको थियो । कार्यक्रम अमूर्त सँस्कृतिको महत्व र अभिलेखनका विषयमा केन्द्रित रहेको आयोजकले जनाएको छ । कार्यक्रममा दोलखा जिल्लाका भीमेश्वर नगरपालिका, जिरी नगरपालिका, कालिञ्चोक गाँउपालिका, सिन्धुपाल्चोक जिल्लाको त्रिपुरासुन्दरी गाँउपालिका र रामेछाप जिल्लाको मन्थली नगरपालिका गरी ३४ जनाको सहभागिता रहेको थियो । कार्यक्रमको समापन भीमेश्वर नगरपालिकाका प्रमुख भरत केसीले गर्नुभएको थियो ।