चैत १८ शुक्रबार

नेकपा एमाले जिल्ला कमिटी दोलखाले चैत २६ गतेसम्म उम्मेदवार सिफारिस गर्ने निर्णय गरेको छ । नेकपा एमाले स्थायी समिति सदस्य काशीनाथ अधिकारीको प्रमुख आतिथ्यतामा विहिवार सम्पन्न वैठकले उम्मेदवार सिफारिस गर्दा सकेसम्म सर्वसम्मत गर्ने नभए कम्तिमा एक महिलासहित ३ जनाको नाम सिफारिस गर्ने निर्णय गरेको हो ।
वैठकले जिल्ला कमिटी अध्यक्ष नरबहादुर श्रेष्ठको संयोजकत्वमा १ हजार १ सदस्यीय निर्वाचन परिचालन कमिटी गठन समेत गठन गरेको छ भने जिल्ला कमिटी उपाध्यक्ष राजेन्द्र मानन्धरको संयोजकत्वमा ५१ सदस्यीय निर्वाचन प्रचार समिति तथा नेकपा एमाले दोलखाका वित्त विभाग प्रमुख मुरारी शिवाकोटीको संयोजकत्वमा १५ सदस्यीय निर्वाचन प्रचार समिति गठन गरेको पार्टी सचिव हिरा कुमार थोकरले जानकारी दिनुभयो ।
यसैगरी वैठकले भीमेश्वर नगरपालिकाका भुवन केसी,गौरीशंकर गाउँपालिकाका निमा लामा र शंखनिमा शेर्पा,भीमेश्वर नगरपालिकाका श्याम लामालाई  जिल्ला कमिटिमा मनोनित गरेको छ ।
कार्यक्रममा नेकपा एमाले केन्द्रीय पोलिटव्युरो सदस्य आनन्द प्रसाद पोखरेल, पार्वत गुरुङ, केन्द्रीय सदस्य तथा दोलखा जिल्ला इन्चार्ज सरस्वति वस्नेत, केन्द्रीय सदस्य रचना खड्का, केन्द्रीय लेखा आयोग सदस्य शान्ति पाख्रिन, केन्दीय सम्पर्क समन्वय संयोजक श्याम वस्नेत, वागमती प्रदेश कमिटी सदस्य तथा दोलखा जिल्ला इन्चार्ज इश्वरचन्द्र पोखरेल र उपत्यका विशेष प्रदेश उपसचिव उर्मिला सुनुवार लगायतले मन्तव्य व्यक्त गर्नु भएको थियो ।
वैठकमा गौरीशंकर गाउँपालिकाबाट जंगबहादुर गुरुङ र स्वयमबहादुर खड्का, वैत्यश्वरबाट माधव घिमिरे, जिरीबाट केशव कार्की, तामाकोसीबाट देवी शर्मा, मेलुङबाट अम्बिका गोले, शैलुङबाट थीरबहादुर मोक्तान, भीमेश्वरबाट नवीन लामा, कालिञ्चोकबाट इश्वरी दाहाल, विगूबाट कुमार खड्काले प्रतिवेदन प्रस्तुत गर्नुभएको नेकपा एमाले दोलखाले जनाएको छ ।