दोलखाको भिमेश्वर नगरपालिकामा निर्माणधीन १५ शैयाको आधारभुत अस्पतालको लागी संघीय सरकारले बजेट नपठाउदा काम अलपत्र बनेको छ ।
संघीय सरकारले १८ करोड स्रोत सुनिश्चितता गरेको उक्त अस्पताल निर्माणको काम १२ करोडमा ठेक्का सम्झौता भई काम सुरु गरेपनि चालु आर्थिक वर्षको ९ महिना बितिसक्दा पनि रकम प्राप्त नहुदा काम अलपत्र बनेको हो ।
२०७७ चैत्रमा शिलान्यास गरेको उक्त अस्पताल निर्माणको लागी गत वर्ष करिब १ करोड रकम प्राप्त भएपनि बाकी रकम हालसम्म पनि प्राप्त हुन नसकेको हो ।
करिब ६ करोडको काम सम्पन्न भइसकेपनि भुक्तानी नहुदा काम रोक्न पर्ने अवस्था आएको भिमेश्वर नगरपालिकाका प्रशासकीय अधिकृत मानबहादुर खडकाले बताउनुभयो ।

स्थानीय सरकार सञ्चालन ऐन २०७४ मा सबै स्थानीय तहमा १५ शैयाको अस्पताल अनिवार्य गर्नुपर्ने व्यवस्था छ ।
सरकारलाई बजेटका लागी पटक÷पटक ताकेता गर्दा पनि अर्थमन्त्रालय र स्वास्थ्य मन्त्रालयले एक अर्कोलाई दोषारोपण गदै पन्छिने गरेको अधिकृत खडकाको भनाई छ ।
त्यस्तै सोही स्थानमा प्रदेश सरकारले सञ्चालन गदै आएको पशुपति चौलागाई स्मृती अस्पतालमा विशेषज्ञ सहितको स्वास्थ्यकर्मी नपठाउदा स्वास्थ्य सेवामा समस्या भएको छ ।
कर्मचारी अभावकै कारण गुणस्तरीय सेवा दिन समस्या भइरहेको अस्पतालका प्रमुख डा. विनोद दंगालले बताउनुभयो ।
५० बेडको अस्पतालमा ७ जना विशेषज्ञ सहितको स्वास्थ्यकर्मी हुनुपर्ने भएपनि भिमेश्वर नगरपालिकाले राखेको करारको कर्मचारीको भरमा अस्पताल सञ्चालन हुदै आएको छ ।