करिब एक शताब्दीपछि ऐतिहासिक दोलखामा ललितपुरको पौराणिक मानिएको हरिसिद्धीको बाह वर्षे जात्रा आज सम्पन्न भएको छ ।
दोलखाको भिमेश्वर नगरपालिका र ललितपुर महानगरपालिकाबीच भगिनी सम्बन्ध कायम भएसंगै यो जात्रा प्रदर्शन गरिएको हो ।
२९ जना देवगण सहितको १ सय जनाको टोली नाच देखाउन पाटनबाट दोलखा आइपुगेको थियो ।
४ दिनसम्म चलेको उक्त नाच दोलखाको हरिसिद्धी मन्दिरको डबलीबाट सुरु भएको वडा अध्यक्ष विराज श्रेष्ठले बताउनुभयो ।
करिब १ सय वर्ष अगाडी पाटनबाट उक्त नाच दोलखा ल्याएर नचाउने गरेको इतिहास रहेको भएपनि बिचमा बन्द भएकाले यसलाई पुन निरन्तरता दिएको वडा अध्यक्ष श्रेष्ठको भनाई छ ।
करिब २० लाख खर्च लाग्ने अनुमान गरिएको उक्त जात्राको लागी भिमेश्वर नगरपालिकाले १० लाख र स्थानीय समाजसेवी बुद्धिजीवीबाट १० लाख संकलन गरिएको छ ।
अमेरिकन नागरिक लिन्डोले दोलखाको सस्कृति अनुसन्धान गर्ने क्रममा करिब ८४ वर्षदेखी बन्द भएको उल्लेख गरिएको छ ।
यो नाच सम्बन्धी जानकार पुराना स्थानीयहर भने सयवर्ष भन्दा बढी बन्द भएको बताउदै आएका छन ।