चरिकोट – यही वैशाख ३० गते हुने स्थानीय तह निर्वाचनका लागि दोलखामा ४ सय ६९ जना महिलाले विभिन्न पदमा मनोनयन दर्ता गराएका छन् ।  ९ वटा स्थानीय तहमा अध्यक्ष पदका लागि स्वतन्त्र सहित ५ जनाले मनोनयन दर्ता गराएका छन् ।

मुख्य निर्वाचन अधिकृतको कार्यालयले उपलव्ध गराएको विवरण अनुसार अध्यक्ष÷प्रमुख पदका लागि ७७ जनाले उम्मेदवारी दिएका छन् जसमध्ये प्रमुख पदमा राप्रपाको तर्फबाट देवकी बुढाथोकी,मेलुङमा रुकुमाया तमाङले उम्मेदवारी दर्ता गराउनु भएको छ भने स्वतन्त्रबाट ३ जना महिलाले अध्यक्ष पदमा मनोनयन दर्ता गरेका छन् । अध्यक्ष पदमा मनोनयन दर्ता गराउनेमा विगुमा राधा मल्ल ठकुरी, गौरीशंकर गाउँपालिकामा अपकुमारी श्रेष्ठ,वैत्यश्वरमा भद्रमाया दहाल रहनु भएको छ ।
उपाध्यक्ष पदका लागि २५ जना महिलाले मनोनयन दर्ता गरेका छन् । मनोनयन दर्ता गराउनेमा नेकपा एमालेका ९ जना, राप्रपाका ५ जना र सत्तारुढ गठबन्धनका २ जना,नेपाली काँग्रेस १ गरी,नेकपा माओवादीको तर्फबाट १ जना, जनता समाजवादीका ५ जना, जनसमाजवादीबाट १ जना ,एकीकृत समाजबादीबाट १ जना गरी २५ जना महिलाको उपाध्यक्ष पदमा उम्मेरदवारी परेको हो ।

प्रमुख पदमा ७७ जनाको उम्मेदवारी परेको छ जसमध्ये ५ जना महिला, उपप्रमुख पदमा ४० जनाको मनोनयन दर्ता भएको छ जसमध्ये सङ्ख्या २५ रहेको छ । महिला सदस्यमा २३० र दलित महिला सदस्यमा २०९ गरी दोलखामा ४ सय ६९ महिलाले मनोनयन दर्ता गराएका छन् ।

जिल्ला निर्वाचन कार्यालय चरिकोटले दिएको जानकारी अनुसार भीमेश्वर नगरपालिकामा उपमेयर पदमा ६ जनाले मनोनयन दर्ता गराएका छन् ।
जसमध्ये नेकपा एमालेको तर्फबाट कमला बस्नेत, सत्तारुढ गठबन्धनको तर्फबाट संगीता तमाङ,नेकपा माओवादीको तर्फबाट रामदेवी श्रेष्ठ,जनता समाजवादी पार्टीबाट कुमारी मगरले उपमेयरमा उम्मेरदवारी परेको छ भने जिरी नगरपालिकामा ५ जना उपमेयर उम्मेरदवारी परेको छ जसमध्ये ३ जना महिला रहेका छन् । नेकपा एमालेको तर्फबाट कृष्णमाया बुढाथोकी ,राप्रपाको सृष्टि न्यौपाने र जनता समाजवादी बाट कमलमाया सुनुवारले मनोनयन दर्ता गराउनु भएको छ ।
तामाकोशी गाउँपालिकामा ४ जना उपाध्यक्ष मध्ये ३ जना महिला रहेका छन् । नेकपा एमालेको तर्फबाट अम्विका पोखरेल,सत्तारुढ गठबन्धनको तर्फबाट सिर्जना सुवेदी,राप्रपाबाट सोनिका श्रेष्ठले मनोनयन दर्ता गरेका छन् ।
गौरीशंङ्कर गाउँपालिकामा नेकपा एमालेको तर्फबाट मुना शिवाकोटी र राप्रपाबाट यशोदा पाठकले मनोनयन दर्ता गरेका छन् ।
विगुमा उपाध्यक्ष पदमा ३ जनाले मनोनयन दर्ता गरेका छन् जसमध्ये नेकपा एमालेको तर्फबाट देविका थामी र राप्रपाको तर्फबाट सम्झना ठकुरीको उम्मेदवारी परेको छ ।
शैलुङ गाउँपालिका दोलखामा ५ जना उपाध्यक्षमा ४ जना महिलाको उम्मेदवारी परेको छ । नेकपा एमालेको तर्फबाट पार्वती थापा कार्की,राप्रपाको तर्फबाट इन्दिरा तमाङ,एकीकृत समाजवादी दिलमाया तमाङ,जनता समाजवादी पार्टी मञ्जुमाया तमाङ रहेका छन् ।
मेलुङ गाउँपालिकामा ६ जना उपाध्यक्ष मध्ये ३ जना महिला उम्मेदवार रहनु भएको छ । नेकपा एमालेको तर्फबाट गायत्री आर्चाय,स्वतन्त्रबाट इन्दिरा विश्वकर्मा,जन समाजवादी नेपालको तर्फबाट सावित्री दहालले मनोनयन दर्ता गराउनु भएको हो ।
वैत्यश्वरमा ५ जनाले उपाध्यक्ष पदमा मनोनयन दर्ता गरेका छन् जसमध्ये महिला २ जना रहेका छन् जसमा नेकपा एमालेबाट नविना लामा र नेपाली कागँ्रेसबाट कल्पना उप्रेतीले मनोनयन दर्ता गराउनु भएको छ ।
यसैगरी कालिञ्चोक गाउँपालिकामा ३ जना उपाध्यक्षले मनोनयन दर्ता गरेका छन् जसमध्ये १ जना नेकपा एमालेको तर्फबाट कविता थामी मात्र महिला उपप्रमुखको रुपमा रहनु भएको छ ।
सबैभन्दा बढी गौरीशंकर गाउँपालिकामा १८३ जनाको मनोनयन दर्ता भएको छ । यसैगरी भीमेश्वर नगरपालिकामा १७०, विगु गाउँपालिकामा १६७, मेलुङ गाउँपालिकामा १६५, तामाकोसी गाउँपालिकामा १४९, कालिञ्चोक गाउँपालिकामा १४८, जिरी नगरपालिकामा १४४, बैतेश्वर गाउँपालिकामा १५० जना र शैलुङ गाउँपालिकामा जम्मा २०९ जनाको उम्मेदवारी दर्ता भएको मुख्य निर्वाचन अधिकृतको कार्यालयले जनाएको छ ।
।