स्थानीय तहको निर्वाचन २०७९ बैशाख ३० गतेको  निर्वाचनका लागि भीमेश्वर नगरपालिकामा दोस्रो कार्यकालको लागि उपमेयर पदमा चुनावी मैदानमा हुनुहुन्छ कमला बस्नेत ।
पाँच वर्षसम्म जनताको सेवामा समर्पित बस्नेत फेरी पनि जनताको सेवा गर्ने प्रण गर्दै प्रतिस्पर्धा गरिरहनु भएको छ । ०७४ सालमा नेकपा एमालेको घोषणापत्रमा उल्लेख गरिएका प्रतिवद्धताका आधारमा नगरले बनाएका योजना पूरा गर्न र कार्य अनुभवलाई नगरको विकासमा लगानी गर्न उम्मेरदवारी रहेको बताउनु भएको छ । उहाँले भन्न् भयो,— “पाँच वर्षको अवधिमा धेरै काम गरेका छौ । अझै धेरै काम गर्न बाँकी छ । भीमेश्वर नगर सम्बृद्ध बन्ने बाटोमा लागि सकेको छ । वाँकी रहेका योजना पूरा गर्नु छ ,यसैका लागि उम्मेरदवारी दिएकी छु ।”

                                                   कमला बस्नेतको सामाजिक र राजनीतिक यात्रा
भीमेश्वर नगरपालिकाको उपमेयर,नेकपा एमाले जिल्ला कमिटि उपसचिव अनि नेकपा एमाले दोलखा अनेमसंघ अध्यक्षको जिम्मेवारीमा रहनु भएकी कमला बस्नेत सामाजिक अभियानमा दशकौ समय लगानी गरिसक्नु भएको छ ।
मध्यम वर्गीय परिवारमा जन्मनु भएकी बस्नेतको पारीवारिक अवस्था मध्यम थियो । पढाउन सक्ने अवस्था भएरै पनि छोरीलाई पढाउनु हुँदैन भन्ने मान्यता थियो । त्यही मान्यताका बीचमा आमाको प्रेरणाले पढ्ने अवसर प्राप्त गर्नु भएकी बस्नेतले विभिन्न कठिन परिस्थितिका बीच स्नातक सम्मको अध्ययन पुरा गर्नु भएको छ ।
वि.स. २०२६ सालमा तत्कालीन माटी गाविसमा आमा चन्द्र कुमारी बस्नेत र स्व.बुबा मान बहादुर बस्नेतकी सुपुत्री कमला बस्नेत सानैदेखि सामाजिक कार्यमा जागरुक हुनुहुन्थ्यो । आफूले भोगेको समाज,सामाजिक समस्या,अन्यायका विरुद्ध बोल्न नडराउने स्वभावकी बस्नेतले घर परिवार र समाजको इच्छा विपरित भएपनि सामाजिक जागरणको कार्यमा लुकी लुकी सहभागिता जनाउनु भयो ।

उमेर परिपक्क हुँदै गएपछि आँट,जोश,जाँगर र उत्साह पनि हुर्कदै र सुदृढ हुँदै गए । वि.स. २०५० सालदेखि समाजमा रहेका विकृति र विसंगतिका विरुद्ध आवाज उठाउँदै जानुभयो । तत्कालीन माटी गाविसलाई मदिरा मुक्त गाविस घोषणा गर्ने अभियान सफल पार्ने अभियानको नेतृत्व बस्नेतले नै गर्नुभएको थियो । यही सिकाइलाई भीमेश्वर नगरपालिकाको उपमेयर पदमा निर्वाचित भएपछि मदिरा न्युनीकरण ऐन समेत पारित गर्न सफल हुनु भएको छ ।
आमाले भाले वेचेर दिएको रकमले सिकेको टाइप । अनि टाइपिष्टको काम गर्न प्रवेश गरेको तत्कालीन जिल्ला जनस्वास्थ्य कार्यालय । टाइपिष्ट नै बनेर प्रवेश गरेको सामुदायिक वन उपभोक्ता महासंघ (२०५५) देखि २०७४ फागुनसम्म टाइपिष्ट देखि महासचिव हुदै अध्यक्षको कुशल भूमिका बस्नेतका लागि जीवनका महत्वपूर्ण अवसर हुन् । जसले जीवन सिकायो,सङ्घर्षमा बाच्न सिकायो अनि सामाजिक र राजनीतिक दायित्व बोध गरायो ।
सामूदायिक वन उपभोक्ता महासंघको लामो यात्राले जिल्लाका गाउँ,टोल,बस्ती,राजनितिक,सामाजिक,सांगठनिक सिपमा तिखारिन र क्षमताको उजागर गर्न अवसर थपियो । यही समयमा नेकपा एमालेका विभिन्न संगठन लागि प्रत्यक्ष र अप्रत्यक्ष रुपमा विकास र विस्तारमा जिम्मेवार हुँदै नेकपा एमाले जिल्ला कमिटि उपसचिव अनि नेकपा एमाले दोलखा अनेमसंघ अध्यक्षको जिम्मेवारीमा रहनु भएको छ ।

२०७४ सालमा स्थानीय तहको निर्वाचनबाट भीमेश्वर नगरपालिकाको उपमेयर पदमा निर्वाचित भएर नगरबासीको समस्या नजिकबाट बुझ्ने र सोही अनुसारका योजना बनाउने काममा विशेष भुमिका खेल्न सफल हुनुभयो ।
संघीयता पछिको पहिलो स्थानीय तहको अभ्यासमा जनताको नजिक रहेर काम गरेपछि आम नगरवासीले  बस्नेतकै चाहना गरेपछि नेकपा एमाले दोलखाले उपमेयर पदमा पुनः उम्मेदवार बनाएको हो । पहिलो कार्यकालमा साझा चरित्रमा रहेर लोकप्रिय काम गर्न सफल हुनु भएकी कमला बस्नेत नगरबासीले आशा र भरोसा गरेको गर्विलो महिला नेतृका रुपमा चिनिनु भएको छ ।

आकर्षक व्यक्तित्व,सबैसंग मिल्न सक्ने,सहनशील क्षमता र असल नेतृत्वको गुण भएकी कमला बस्नेतक कार्यकालभरी कुनै विवादमा आउनु भएन । सबैलाई मिलाएर लान सक्ने र सबैको मन जित्न सक्ने बलियो क्षमता बोकेकी बस्नेत फेरि पनि निर्वाचनमा सहभागी हुनु भएको छ । सामाजिक र राजनीतिक विकासमा अब्बल क्षमता भएकी बस्नेतको नगर सम्बृद्धिको लागि दूरदृष्टी योजना समेत रहेको छ ।