हरेक वर्षको बैशाख कृष्णपक्षको औँसीमा आमाको मुख हेर्ने चलन छ, मातातिर्थ औंसी, मातृऔंसी एवं मातृ दिवस पनि भन्ने गरिन्छ । आमाप्रति विशेष भक्ति र भावयुक्त सम्मानगरिएको हुँदा यस दिनलाई आमाको मुख हेर्ने दिन भनिन्छ ।

यस्तै स्वर्गीय आमाको आत्मा शान्तिको कामनासहित मातृत्वको स्मरण गर्दै समाजसेवी शुशिला शर्माले स्नेह केन्द्रमा रहेका आमाहरुको मुख हेर्नु भएको छ । आमा दिवसको अवसर पारेर समाजसेवी शुशीला शर्माले आवाज नेपालद्वारा सञ्चालित स्नेह केन्द्रमा रहेका आमाहरुको मुख हेर्नु भएको हो ।
स्वर्गीय आमाको सम्झना स्वरुप स्नेह केन्द्रमा संरक्षित ५ जना आमाहरुलाई कपडा र मिष्ठान भोजनसहित मुख हेर्नु भएको थियो यसैबीच अर्घाखाँची सितागङा नगरपालिका निवासी चन्द्रमणि पौडेल र जनक कुमार पौडेले स्व माता ठ्गकला पौडेल र पिता भुवानन्द पौडेलको सम्झनामा स्नेह केन्द्रमा भोजन गराउनु भएको छ । । विगतका वर्षहरुमा पनि जन्म दिनको अवसरमा खाद्यान्न सहयोग गर्नु भएको थियो । यसैगरी भीमेश्वर नगरपालिका ७ मकैबारी निवासी सम्भु वयलकोटीले पनि स्नेह केन्द्रलाई ३ हजार नगद सहयोग गर्नु भएको आवाज नेपालकी अध्यक्ष सिर्जना कार्कीले बताउनु भयो ।