शुभ विवाहको अवसर पारेर भीमेश्वर नगरपालिका ६ निवासी करुणा वि.कले आवाज नेपाल दोलखालाई खाद्यान्न र नगद सहयोग गर्नु भएको छ ।
जोखिममा परेका महिला तथा बालबालिकाको संरक्षणको काम गर्दै आएको आवाज नेपाल दोलखालाई ५ हजार नगदसहित खाद्यान्न सहयोग गरेको आवाज नेपाल दोलखाकी अध्यक्ष सिर्जना कार्कीले बताउनुभयो । यही बैशाख १० गते विगु गाउँपािलका चिलंखा निवासी कुमार वि.क.संग विवाह वन्धनमा बाधिँनु भएकी वि.क आवाज नेपालको सदस्य समेत रहनु भएको छ ।

आवाज नेपालले लामो समयदेखि संकटासन्न अवस्थामा रहेका महिला तथा बालबालिकाको संरक्षण गर्दै आएको छ ।
हाल स्नेह केन्द्रमा बालबालिका,किशोरी,सुत्केरी,गर्भवती,जेष्ठ महिलासहित संकटासन्न अवस्थामा रहेका २८ जना प्रभावित रहेका छन् । स्नेह केन्द्रको नियमित आयआर्जनको स्रोत नभएपनि विभिन्न व्यक्ती तथा संस्थाको सहयोगमा सञ्चालन हुदै आएको संस्थाकी अध्यक्ष कार्कीको भनाइ रहेको छ ।
विगु लादुक स्थायी ठेगाना भएकी हाल बेलायमा रहनु भएकी मञ्जु केसीले पनि खाद्यान्न सहयोग गर्नुभएको छ ।