नेकपा एमालेबाट मेलुङ गाउँपालिका उपाध्यक्ष उम्मेदवार गायत्री आचार्यले सञ्चार माध्यमलाई विकासको सारथि बनाउने योजना रहेको बताउनु भएको छ । पत्रकारिता क्षेत्रमा लामो अनुभव रहेकी आचार्यले जिल्लाका आम सञ्चार माध्यमको संस्थागत विकासका लागि काम गर्र्ने बताउनु भएको हो ।
समदृष्टि अनलाइन संग कुरा गर्दै उहाँले भन्नुभयो,“ स्थानीय सरकारले गरेका कार्य जनता सम्म पु¥याउन र सुशासनको प्रत्याभूत दिलाउन प्रत्येक कामलाई सञ्चारसंग जोड्ने योजना छ, नागरिकको विकासमा सहभागिताका लागि नागरिकले थाहा पाउनु पर्छ, यसका लागि सञ्चार माध्यमलाई विकासको सारथि बनाउने छौं ।
झुटा आश्वासन भन्दा आवश्यकता र सुझावका आधारमा विकास कार्यको थालनी गर्न सरोकारवालासंग बसेर विकासलाई प्राथमिकीकरण गरी अबको ५ वर्षमा खुसी नागरिक बनाउने प्रतिवद्धता आचार्यले गर्नु भएको छ । अवको ५ वर्षभित्र प्रत्येक टोलमा पुगेर जनताको मर्म र भावना बुभने र न्याय निरुपणमा प्राथमिकता दिने दावी गर्नुभयो । शिक्षा,स्वास्थ्य र रोजगारीका सवालमा गाउँपालिकाले गुणस्तर विकास गर्ने पनि उल्लेख गर्नुभयो ।

राजनीतिक यात्रा
रामेछापको वेताली गाविस ( हालको गोकुलगंगा ४) मा जन्मनु भएकी गायत्री आचार्यले सानै उमेरदेखि नेकपा एमाले अन्तरर्गतको अनेरास्ववियू प्रारम्भिक कमिटिमा रहेर राजनीतिक यात्रको शुरुवात गर्नु भएको हो । रामेछाप वेतालीमा रहेको जनजागृति माध्यमिक विद्यालय बेतालीमा कक्षा ७ मा अध्ययन गर्दै गर्दा प्रारम्भिक कमिटिको सचिव पदको जिम्मेवारी पाउनु भएको थियो ।
आँटिली र साहसी अनि काम प्रति प्रतिवद्ध आर्चायले बाल्यकालमा नै सचिवजस्तो जिम्मेवारीपूर्ण पदमा रहेर कुशल भूमिका निर्वाह गर्नुभयो । वि.स.२०५१ सालमा अनेरास्ववियू रामेछापको जिल्ला कमिटि सदस्यमा निर्वाचित हुनु भयो ।
२०५१ सालमा दोलखाको पवटीमा विवाह वन्धनमा वाँधिनु भएकी आचार्यले विवाह पछि पनि राजनीतिक यात्रालाई निरन्तरता दिँदै वि.सं २०५२ सालमा अखिल नेपाल महिला संघ जिल्ला कमिटिको सदस्य भएर काम गर्नुभयो । यसपछि निरन्तर अनेमसंघमा रहेर भूमिका निर्वाह गर्नु भएकी आचार्यले वि.स. २०६७ सालदेखि नेकपा एमालेको जनवर्गीय संगठन जनसाँस्कृतिक मञ्चको सदस्य हुदै कोषाध्यक्षको भूमिका निर्वाह गर्नु भयो । यसै गरी प्रेस चौतारी नेपाल दोलखा शाखाको उपाध्यक्षको भूमिकामा रहेर समेत निक्कै नमुना काम गर्न सफल हुनुभयो ।
राजनीतिमा एकपछि अर्को खुड्किलो उक्लदै वि.सं २०७० बाट निरन्तर जिल्ला कमिटि सदस्यमा रहेर पार्टी र संगठन विस्तारमा उल्लेखनीय योगदान दिनुभएकै कारण वि.सं २०७८ मा भएको नेकपा एमालेको १० औ जिल्ला अधिवेशनमा भएको निर्वाचनमा अत्यधिक बहुमतका साथ जिल्ला कमिटिमा निर्वाचित हुनु भएको छ ।
पत्रकारितामा अनुभव
वि.सं २०७६ सालबाट पत्रकारिता क्षेत्रमा प्रवेश गर्नुभएकी आचार्यले पत्रकारिताको क्षेत्रमा पनि अनुभव बटुल्नु भएको छ । वि.स. २०७० सालमा दोलखा सदरमुकाम चरिकोटमा रहेको कालिञ्चोक सामुदायिक एफ.एम प्रवेश गर्नु भएको थियो । रेडियोमा कार्यक्रम प्रमुखको भूमिकामा रहेर कुशलता र दक्षता प्रस्तुत गर्नुभयो । समन्वय,सहकार्यमा अत्यन्तै सिपालु आचार्य दोलखा र आसपासका क्षेत्रमा पत्रकारिताकै माध्यमबाट परिचित हुनुहुन्छ । सञ्चारिका समूह वागमती प्रदेश समिति सदस्य,क्रियाशील पत्रकार महिला समुह दोलखाको सल्लाहकार र पत्रकार महासंघको सदस्य भएर पत्रकारका हक अधिकारका लागि पनि काम गरेको अनुभव उहाँसंग रहेको छ ।
सामुदायिक वनकर्मीको अनुभव
वि.स. २०५२ सालमा सामुदायिक वन उपभोक्ता महासंघमा कर्मचारीको रुपमा प्रवेश गर्नुभएको थियो । करिब १२ वर्ष कर्मचारीको अनुभव पछि वि.स. २०६५ सालदेखि महासंघमा जिल्ला कार्यसमितिको सदस्य भएर काम गर्नु भयो । विगत २ वर्षदेखि सामुदायिक वन उपभोक्ता महासंघ दोलखाको महासचिवको भुमिका समेत निर्वाह गरिरहनु भएको छ ।
आचार्यका राजनीतिक,पत्रकारिता र सामुदायिक वनकर्मीको रुपमा कार्यअनुभवसंगै दोलखाका प्रत्येक वडा र जिल्ला वाहिर पनि पहिचान बनाउन सफल हुनुहुन्छ ।
व्यक्तिगत जीवन संघर्ष,उतारचढाव,राजनीतिक,सामाजिक,सास्कृतिकरुपमा समूदायसंग भिजेर संकलन गरेको अनुभव अनि पत्रकारिता र वन अभियानले समुदायको अधिकार र विकासको दृष्टिकोण बनाउनु भएकी अब्बल महिला नेतृका रुपमा रहनु भएको छ ।