शैलुङमा मतगणना विवाद पछि झडप,एकजना गम्भीर घाइते

3 वर्ष अगाडि | समदृष्टि अनलाइन संवाददाता

दोलखाको शैलुङ गाउँपालिकामा मतगणना कार्य रोकिएको छ । दोलखाको शैलुङ गाउँपालिकामा गठबन्धन र एमालेका प्रतिनिधि बीच विवाद बढेपछि मतगणना रोकिएको हो ।
विवाद बढ्दै गएपछि गठबन्धनका कार्यकर्ता र एमालेका कार्यकर्ताबीच मतगणना स्थलमै झडप भएको थियो ।
झडपमा परी शैलुङ ४ निवासी बाबु लामा गम्भीर घाइते हुनु भएको छ ।
घाइते लामालाई बाघखोर स्थित अस्पतालमा सामान्य उपचार पछि थप उपचारका लागि काठमाण्डौ लगिएको प्रहरीले जनाएको छ । गठबन्धनका कार्यकर्ताले धारिलो हतियार प्रहार गरेको एमालेले आरोप लगाएको छ ।
स्थिति नियन्त्रणमा लिन थप प्रहरी परिचालन गरिएको प्रहरी नायब उपरीक्षक गंगाप्रसाद पौडेलले बताए । मतपत्र भएको बाकसको सिल फुटेका लगायतका विषयमा प्रतिनिधिहरुबीच विवाद बढेपछि मतगणना स्थगित भएको छ ।