तारादेवी वस्नेत

दोलखामा वडा बाटनै राष्ट्रिय परिचयपत्र विवतरण गरिने भएको छ । राष्ट्रिय परिचयपत्रको लागि विवरण अभियान सम्वन्धी एक दिन अन्तरक्रियाको आयोजना गरि परिचयपत्र वडाबाटनै वितरण गरिने जानकारी गराईएको हो । पहिलो चरणमा आगामी असार महिनाको एक गतेदेखी भीमेश्वर नगरपालिकाका वडाबाटनै परिचयपत्र वितरण गर्ने तयारी भएको राष्ट्रिय परिचयपत्र विभागका निर्देशक ललित कुमार बस्नेतले जानकारी दिनुभयो। उहॉका अनुसार जिल्लाका अन्य पालिकाका वडामा पनि क्रमिक रुपमा सुरु गरिने छ। जिल्लामा दशै अघिनै परिचयपत्र प्राप्त गर्नु योग्य सबै नागरिकलाई जिल्लाका सबै वडामा राष्ट्रिय परिचयपत्र विवतरण गरि सकिने छ।जिल्लामा यस अघि जिल्ला प्रशासन कार्यालय दोलखाबाट परिचय वितरण गरिदै आएको थियो । प्रमुख जिल्ला अधिकारी भोजराज खतिवडाको अध्यक्षामा भएको कार्यक्रम विभागका निर्देशक ललित कुमार बस्नेतले राष्ट्रिय परिचयपत्रको बारेमा जानाकरी गराउनु भएको छ ।भीमेश्वर नगरपालिका मेयर ईश्वरनारायण मान्नधर लगायतले शुभकामना मन्तव्य गर्नु भएको थियो । राष्ट्रिय परिचयपत्र तथा पञ्जीकार विभागको आयोजना र जिल्ला प्रशासन कार्यालयको दोलखाको सहयोग भएको कार्यक्रममा जिल्लाका ढ वटै पालिकाका प्रमुख तथा उपप्रमुखहरु र प्रमुख प्रशासकिय अधिकृतहरु लगाएको सहभागिता रहेको थियो ।