जिल्लाकै आयुर्वेद स्वास्थ्य केन्द्र दोलखाले फार्मेसी सञ्चालन गर्ने योजना बनाएपनि जग्गा नहुदा अलपत्र बनेको छ ।
बाग्मती प्रदेश सरकारले फार्मेसीको भवन निर्माणको लागी बजेट पठाएपनि जग्गा प्राप्ती नहुदा समस्या भएको हो ।
स्थानीय सरकार भिमेश्वर नगरपालिकासंग पटक÷पटक छलफल भएपनि कतैबाट जग्गा नमिलेपछि फार्मेसी निर्माणको काम अलपत्र बनेको आयुर्वेद स्वास्थ्य केन्द्र दोलखाका कविराज निरीक्षक हरिनारायण महतोले बताउनुभयो ।
जग्गा प्राप्तीको लागी छलफलको काम भइरहेको र जग्गा प्राप्ती भएमा असार मसान्तसम्ममा काम सक्ने कविराज महतोको भनाई छ ।
फार्मेसी निर्माणको लागी २५ लाख बजेटमा १० लाखले संरचना निर्माण गर्ने, ७ लाखले औषधी खरिद गर्ने र बाकी रकमले व्यवस्थापनको काम गर्ने योजना रहेको कविराज महतोले बताउनुभयो
सरकारले जग्गा खरिद नगर्ने र स्थानीय स्तरमा नै अनुदान लिनुपर्ने भएकाले समस्या भएको हो ।
जग्गा प्राप्तीको लागी स्थानीय सरकार सहित अन्य निकायसंग पनि छलफल भइरहेको कार्यलयले जनाएको छ ।
त्यस्तै कार्यलयमा दरबन्दी अनुसारको कर्मचारी नहुदा सेवा प्रवाहमा समेत समस्या भएको छ ।
दरबन्दी अनुसारको १० जना कर्मचारी मध्ये १ जना कविराज र १ जना वैद्य नहुदा कार्यलयले दिने सेवा प्रवाहमा समेत समस्या हुदै आएको छ ।