नेपाल चीन हिमालयन मैत्री समाज (नेचिप्स नेपाल) को १२ औं साधारण सभाले सांसद राजेन्द्र गौतमको अध्यक्षतामा नेपाल चीन हिमालयन मैत्री समाज गठन गरेको छ ।
समाजको उपाध्यक्षमा गणेश सिंह ठगुन्ना,महासचिवमा रिनन पोखरेल,सचिव कल्याण रोक्का,सचिव कालिका पाठक र कोषाध्यक्षमा संघर्ष बिष्ट चयन हुनु भएको हो । महासचिव पोखरेल र सचिव पाठकले दोलखाबाट प्रतिनिधित्व गर्नु भएको छ ।
नेकपा एमालेका अध्यक्ष एवम् पूर्व प्रधानमन्त्री केपी शर्मा ओलीको प्रमुख आतिथ्यतामा सम्पन्न कार्यक्रममा नेपाली कांग्रसका नेता चन्द्र भण्डारी,नेकपा माओवादी केन्द्रका वरिष्ठ नेता नारायणराजी श्रेष्ठ र जनता समाज वादीका अध्यक्ष उपेन्द्र यादव र राप्रपाका अध्यक्ष राजेन्द्र लिंग्देन लगायतले सम्बोधन गर्नु भएको थियो ।
कार्यक्रमको अवसरमा नेचिप्स नेपालले नेपालको भुराजनीतिक अवस्था,चुनौती र अवको वाटो विषयमा विचार गोष्ठीको समेत आयोजना गरेको थियो ।