दोलखा ।

नेकपा एमाले दोलखाले विधिको शासन स्थापित गर्न दोलखाका स्थानीय तहसंग माग गरेको छ । स्थानीय तह निर्वाचनपछि गठबन्धनका उम्मेदवारहरूले विजय हासिल गरेका स्थानीय तहमा मूल्य, मान्यता, नीति र परम्परालाई कुल्चदै पूर्ववत् रहेका कर्मचारीहरूलाई विनाकारण वर्खास्त गर्ने लगायतका काम गरेको भन्दै विधिको शासनलाई स्थानीय तहमा स्थापित गर्न नेकपा एमाले दोलखाले माग गरेको हो ।
शनिबार चरिकोटमा सम्पन्न पार्टीको जिल्ला स्तरीय बृहत प्रशिक्षण भेलाले उक्त प्रस्ताव पारित गरेको उपाध्यक्ष तथा प्रचार विभाग प्रमुख राजेन्द्र मानन्धरले जानकारी दिनुभयो । जिल्लाका विपद्जन्य जोखिम क्षेत्रमा तीनै तहका सरकारलाई राहत र उद्धारका कार्यक्रम ानसञ्चालन गर्न माग गरेको छ ।
जिल्लाका लापिलाङ, मालुखोला, मेलुङ, जिरी लगायतका ठाउँमा बाढी पहिरोलो पु¥याएको क्षतिप्रति दुःख व्यक्त गर्दै पार्टीका नेता कार्यकर्तालाई मानवीय उद्धारमा परिचालित हुन निर्देश गरिएको छ ।

भेलाले पार्टीले सञ्चालन गरिरहेको सुद्धीकरण र सुदृढीकरण अभियानलाई प्रभावकारी बनाउनको साथै पार्टीले तय गरेको ‘समृद्ध दोलखा, सुखी दोलखाली’ को नारालाई सार्थक बनाउन आवश्यक पहलकदमी गर्ने भएको छ । त्यस्तै स्थानीय निर्वाचनपश्चात्त गठबन्धनका उम्मेद्वार निर्वाचित जिल्लाका स्थानीय तहमा कार्यरत कर्मचारीलाई बिना कारण बर्खास्त गरिएको भन्दै विधिको शासन स्थापित गराउन माग गरिएको छ ।

नेकपा एमाले दोलखाका अध्यक्ष नर बहादुर श्रेष्ठको अध्यक्षतामा भएको भेलामा पार्टी उपमहासचिव विष्णु रिमाल, पोलिटव्युरो सदस्य आनन्द प्रसाद पोखरेल, बागमती प्रदेश कमिटी अध्यक्ष केशव पाण्डे, केन्द्रिय सदस्य तथा दोलखा इन्चार्ज सरस्वती बस्नेत, प्रदेश कमिटी सदस्य तथा दोलखा इन्चार्ज इश्वरचन्द्र पोखरेल लगायतले प्रशिक्षण दिनुभएको थियो ।