भीमेश्वर नगरपालिका वडा नं ५ का वडाध्यक्षले विद्यार्थीका लागि खेलकुदका सामग्री वितरण गर्नु भएको छ । भीमेश्वर नगरपालिका वडा नं ५ बुढाभीमसेन माध्यमिक विद्यालय धरघरका बालबालिकालाई व्यक्तिगत सहयोगमा खेलकुदका विभिन्न सामग्री वितरण गर्नु भएको हो ।

वडाध्यक्ष श्रेष्ठले बालबालिकाका लागि भलिबल,फुटबल,भलिवल नेट,व्याडमिन्टन,व्याडमिन्टन नेट,लुडो,चेस,स्पिकिङ,पम्प,कक लगायतका खेलकुदका सामग्री विद्यालयको बालक्लबलाई हस्तान्तरण गर्नु भएको हो ।
विद्यालयमा खेलकुद विकासमा सहयोग पुगोस् भन्ने उद्देश्यले आवश्यकताको आधारमा व्यक्तिगत खर्चमा विद्यालयमा खेलकुद सामग्री वितरण गरेको विद्यालयका प्रधानाध्यापक राजन कार्कीले बताउनु भयो ।
अध्यक्ष श्रेष्ठले साना कक्षाका बालबालिकालाई आवश्यकताको आधारमा शैक्षिक विकासमा सहयोग पुग्ने प्रकृतिका खेलकुदका सामग्री थप सहयोग गर्ने समेत बताउनु भयो ।

वडाध्यक्ष श्रेष्ठले निर्वाचन अगाडि सरकारी सुविधा सामाजिक क्षेत्रमा लगानी गर्ने घोषणा समेत गर्नुभएको थियो । यसै अनुरुप वडा नं ५ का जेष्ठ नागरिकलाई आफूले पाउने सुविधाबाट तीर्थ भ्रमण गराउने योजना रहेको समेत जानकारी दिनुभयो । यस्तै वडा नं ५ का सबै विद्यालयका बालबालिकालाई ट्रयाकसुट वितरण गर्ने योजनासमेत सुनाउनुभयो ।
खेलकुद सामग्री विद्यार्थीहरुलाई आवश्यकता अनुसार प्रयोग गर्ने विद्यालयले जनाएको छ ।