मिति २४ श्रावण २०७९

दोलखामा विश्व किताब दिवस मनाइएको छ । English For All, As a Global Language  भन्ने मूल नाराका साथ सदरमुकाम चरिकोटमा रहेको त्रिपुरा ग्लोरियस एकेडेमीको पुस्तकालयमा कार्यक्रम आयोजना गरिएको हो ।

आजको समयमा पुस्तक पढ्ने संस्कार घट्दै गएपछि पढ्ने वानीको विकासमा सहयोग पुगोस भन्ने उद्देश्यले कार्यक्रम आयोजना गरिएको कार्यक्रमका सहभागी डा जानुका न्यौपानेले बताउनु भयो । शैक्षिक प्रमाणपत्र प्राप्त गर्न मात्र नभएर आत्मसन्तुष्टी,सकारात्मक सोच र ज्ञान हासिल गर्नका लागि भएकाले निरन्तर पुस्तक पढ्ने बानीको विकास गर्नुपर्ने कुरामा कार्यक्रममका सहभागीले जोड दिएका थिए ।

कार्यक्रममा सामाजिक अभियन्ता दिनेशराज शिवाकोटी,कालिञ्चोक माध्यामिक विद्यालयका शिक्षक दिपक शर्मा डा.जानुका न्यौपाने लगायतले पुस्तक अध्ययन र यसको महत्वका विषयमा धारणा राख्नु भएको थियो । कार्यक्रममा डा. जानुका न्यौपानेले शिक्षाको महत्व र शिक्षाका लागि आफूले गरेको संघर्ष विषयमा प्रस्तुती गर्नु भएको थियो । कार्यक्रमका सहभागीले शैक्षिक जीवनको अनुभव, आफूले अध्ययन गरेका पुस्तकका बारेमा अनुभव आदानप्रदान गरेका थिए । कार्यक्रममा अंग्रेजी माध्यमबाट प्रकाशित पहिलो उपन्यासको बारेमा त्रिपुरा ग्लोरियस विद्यालयका शिक्षक अर्जुन तामाङले चर्चा गर्नु भएको थियो ।

कार्यक्रममा शैक्षिक व्यक्तित्वहरु समीरा बस्नेत,इन्द्र कुमार बस्नेत ,तक्दिर सुवेदी,विष्णु भुषाल ( लिटल एन्जल ),हेम चापागाईं,महेशलाल यादव,सन्तोष चौधरी,कृष्ण पाण्डे लगायतको सहभागिता रहेको थियो ।