जिल्लामा खास तोकिएको बस पार्क छैन् बस टर्मिनल छ तर त्यहाँ कुनै सवारीका साधान पार्किङ गरिएको पाइदैन ।   जिल्लामा विगत १० वर्ष देखी चरिकोटमा बस पार्क निर्माणका लागि जग्गा खोजी भईरहेपनि निर्माण हुन सकेको छैन । भिमेश्वर नगरपालिकाले बसपार्क निर्माणको लागी चासो नदेखाउदा सदरमुकाम चरिकोट अस्व्यस्त बनेको हो ।

जिल्लाको पहिचान रुपमा रहेको दोलखा सदरमुकाम चरिकोट बजार बसपार्क नहुदा अस्तव्यस्त बनेको  छ।

जिल्लाको सदरमुकामको अवस्था हेरेनै समग्र जिल्लाको  पहिचान हुने भयपनि जिल्ला सदरमुकामनै अस्तव्यस्त बनेको हो । यसको मुख्य कारण हो   आधिकारीक बसपार्क नहुनु र आफू खुसी जथाभाबी सवारीका साधन पार्किङ गर्नु ।

बसपार्क नभएपछि सडक र बजारको छेउछाउमा जथाभावी गाडी पार्किङ गर्नुपरेको सवारी चालक शिखर थापाको भनाई छ ।

बसपार्क नहुँदा सडक दायाँबायाँ, होटल, स्थानीयका घर अगाडि सवारी साधन पार्किङ हुँदै आएका छन् ।

चरिकोटमा व्यवस्थित बसपार्क नहुदाँ सडकमै दोहोरो पार्किङ हुने गरेको छ । त्यसले गर्दा आगन्तुक तथा सर्वसाधरण नागरिकलाई समेत हिडडुल समस्या हुदै आएको छ । लामो दूरीका बस र बोलेरो जिप र मोटरसाईकलको जथाभावी पार्किङले व्यवस्थापनमा समस्या भएको जिल्ला ट्राफिक कार्यालय दोलखाका प्रमुख विष्णु पुरीले वताउनुभयो ।

जिल्लामा बस टर्मिनल छ तर त्यहाँ कुनै सवारीका साधान पार्किङ गरिएको पाइदैन ।  विगत १० वर्ष देखी चरिकोटमा बस पार्क निर्माणका लागि जग्गा खोजी भईरहेपनि निर्माण हुन सकेको छैन । जग्गा खोज्ने क्रममा गौरीशंकर बालगृह नजिकै उपयुक्त देखिएको  भीमेश्वर नगरपालिका ईन्जिनियर शाखाका प्रमुख सुरेश राउतले बताउनुभयो ।

बस पार्क निर्माणका लागि उक्त क्षेत्रमा नगरपालिकाले गुरुयोजनाको समेत निर्माण भईसकेको छ तर जग्गाको व्यवस्थापन भने अझै हुन् सकेको छैन् । बस पार्क निर्माणका लागि २ हेक्ट्रर जग्गाको आवश्यक पर्ने र बर्खेडाँडापारी सामुदायिक वनको उपभोक्ता समिति  सँग छलफल भई रहेको भिमेश्वर नगरपालिकाले जनाएको छ ।