असोज १
जनसचेतन बचत तथा ऋण सहकारी संस्था चरिकोट सेवा केन्द्रको २९ औँ वार्षिक साधारण सभा आज चरिकोटमा सम्पन्न भएको छ । सहकारी संस्थाका वरिष्ठ उपाध्यक्ष गोपालध्वज श्रेष्ठको अध्यक्षतामा भएको साधारण सभाले गत आर्थिक वर्षको वार्षिक प्रगति प्रतिवेदन, लेखासुपरिवेक्षण समितिको प्रतिवेदन तथा अन्य गतिविधिहरु र चालु आर्थिक वर्ष बाह्यलेखा परिक्षण प्रतिवेदन पारित गरेको छ । साधारण सभाको अवसरमा भीमेश्वर नगरपालिकाका नगरप्रमुख ईश्वर नारायण मान्नधर,जिल्ला बचत तथा ऋण सहकारी संस्थाका उपाध्यक्ष जगतप्रसाद सुवेदी,जिल्ला सहकारी संघ दोलखाका अध्यक्ष कोषाध्यक्ष सरुना बस्नेत लगायतले मन्तव्य व्यक्त गर्नुभएको थियो ।

साधारण सभाको अवसरमा सहकारीले जेष्ठ शेयर ४१ जना सदस्यहरुलाई लौरो वितरण गरिएको छ । त्यसैगरी चरिकोट सेवा केन्द्र अन्तरगत अधिक शेयर खरिदकर्ता अमृत बहादुर बुढाथोकीलाई नगद सहित सम्मान गरेको छ ।
सहकारीमा गत आर्थिक वर्षको असार मसान्त सम्म ३६ हजार २सय ५४ जना रहेका छन् भने सहकारीमा हाल कुलपुँजी २ अरब १८ करोड ६९ लाख ४ हजार १ सय ६१ रुपैयाँ रहेको छ । सहकारीको २९ औँ साधारण सभा आज एकैदिन ९ स्थानमा सम्पन्न गरिएको छ भने बाँकी ८ स्थानमा असोज ३ गते सम्पन्न गरिने सहकारीले जनाएको छ ।

जनसचेतन सहकारीले १६ सेवा केन्द्रमा ‘सदस्यता विस्तारित मञ्च’ कार्यक्रम सञ्चालन गर्ने जहाँ प्रत्येक महिला सेवा केन्द्रका अगुवा सेयर सदस्यलाई सहकारी वित्तीय साक्षरता कार्यक्रम सञ्चालन गर्ने,कार्यक्षेत्रका सम्बन्धित पालिकाका जनप्रतिनिधिसंग जनसचेतन कार्यक्रम,ऋण लगानी व्यवस्थापन र व्यवसाय प्रवद्र्धन कार्यक्रम र सुशासन परीक्षणका योजना रहेको संस्थाका वरिष्ठ उपाध्यक्ष गोपालध्वज श्रेष्ठको भनाइ छ ।