आश्विन
गौरीशङ्कर बहुमुखी क्याम्पस चरिकोटमा चाडपर्वं विशेष कार्यक्रमको आयोजना गरिएको छ । कार्यक्रमको अवसरमा खुल्ला नृत्य प्रतियोगितासंगै नजिकिँदै गरेको बडा दशैं,शुभ दिपावली,नेपाल सम्वत तथा छठ पर्वको शुभकामना आदान प्रदान कार्यक्रम कार्यक्रम गरिएको हो ।
नृत्य प्रतियोगितामा सुन्दरी थामी प्रथम, अञ्जन नेपाली द्वितीय, विनिशा खत्री र दीपा विश्वकर्मा तृतीय तथा बबिना नेपाली सान्त्वना हुनुभएको छ । प्रतियोगितामा आठ विद्यार्थी समूहको सहभागिता रहेको थियो ।

गौरीशङ्कर विद्यार्थी गुणस्तर सर्कलको आयोजना गरिएको चाडपर्व विषेश कार्यक्रमसंगै कक्षा ११ का विद्यार्थीलाई स्वागत कार्यक्रम समेत गरिएको थियो । कार्यक्रमको अवसरमा क्याम्पस प्रमुख शान्त बहादुर केसी, गौरीशङ्कर क्याम्पस प्राध्यापक सङ्घका अध्यक्ष बालकृष्ण दहाल, विद्यार्थी गुणस्तर सर्कलका अध्यक्ष गोपाल खड्का, उपाध्यक्ष सुदाम सुवेदी, विद्यार्थीहरु सुस्मिता रिजाल, विर्साम श्रेष्ठ, गौरव तामाङ लगायतले शुभकामना मन्तव्य व्यक्त गर्नुभएको थियो ।