तारादेवी बस्नेत

दोलखा सदरमुकाम चरिकोटमा रहेको परोपकार महिला बचत तथा ऋण सहकारी संस्थाको ११ औ वार्षिक साधारण आज सम्पन्न भएको छ ।
सहकारी संस्थाका अध्यक्ष शर्मीला सापकोटाको अध्यक्षतामा भएको कार्यक्रम संस्थाका सचिव कल्पना आर्चायले वार्षिक प्रतिवेदन प्रस्तुत गर्नु भएको थियो भने कोषाध्यक्ष भवानी खड्काले १४ करोड १३ लाख ७६ हजार ७ सय २६ रुपैया २१ पैसा बराबरको आर्थिक प्रतिवेदन प्रस्तुत गर्नु भएको थियो ।
वार्षिक साधारण सभाको अवसरमा वर्ष जेष्ठ शेयर सदस्य सावित्रा न्यौपाने, उत्कृष्ठ शेयर खरिदकर्ता सोनाम तमाङ, उत्कृष्ठ बचतकर्ताहरु अनिता बस्नेत, उर्मिला खड्गी, उत्कृष्ठ ऋणीहरु सानुमाया कार्की, सञ्जीता शिवाकोटी र पुर्व कोषाध्यक्ष सिर्जना न्यौपानेलाई सम्मान गरिएको थियो । कार्यक्रममा नेपाल बचत तथा ऋण केन्द्रिय सहकारी संघका सञ्चालक जीवसराज खड्का, जिल्ला बचत तथा सहकारी संघ दोलखाका उपाध्यक्ष जगत प्रसाद सुवेदी, भीमेश्वर नगरपालिकाका बरिष्ठ सामाजिक विकास अधिकृत एव सहकारी शाखाका प्रमुख नारायण प्रसाद सेढाँई, जिल्ला सहकारी संघ दोलखाका महासचिव कृष्णप्रसाद दाहाल, संस्थाको ऋण उपसमितिका सदस्य शान्ति नेपाल लगायतले मन्तव्य व्यक्त गर्नु भएको थियो ।