नेकपा एमाले दोलखाले बडा दशै,शुभ दिपावली,नेपाल सम्वत एवं छठ पर्व २०७९को अवसरमा शुभ कामना आदान प्रदान आदानप्रदान एवं चियापान कार्यक्रम सम्पन्न गरेको छ ।
नेकपा एमाले पार्टी कार्यालय दोलखामा आयोजित कार्यक्रममा नेकपा एमालेका पोलिटव्यूरो सदस्य एवं पूर्व सूचना तथा सञ्चार मन्त्री पार्वत गुरुङले व्यानरमा लेखिएको शुभकामना सन्देश वाचन गरेर कार्यक्रमको उद्घाटन गर्नु भएको थियो ।

कार्यक्रममा नेकपा एमाले केन्द्रिय लेखा समिति सदस्य शान्ति पाख्रिन,नेकपा एमाले दोलखाका अध्यक्ष नर बहादुर श्रेष्ठ,उपाध्यक्ष राजेन्द्र मानन्धर लगायत जिल्ला कमिटिका पदाधिकारी,नेकपा एमालेका नेताहरु,जनप्रतिनिधि,पूर्व जनप्रतिनिधिहरुको सहभागिता रहेको थियो ।

शुभकामना आदानप्रदान कार्यक्रममा दोलखाका प्रमुख जिल्ला अधिकारी भोजराज खतिवडा,प्रहरी प्रमुख प्रहरी नायब उपरीक्षक गंगा प्रसाद पौडेल,सरकारी तथा गैरसरकारी निकायमा प्रमुख एवं प्रतिनिधिको उपस्थिति रहेको थियो ।
चियापान कार्यक्रममा नेकपा एमालेका नेता तथा कार्यकर्ता,शुभेच्छुक,शुभचिन्तकको बाक्लो उपस्थिति रहेको थियो ।