आपनो नाम भजाएर समुदायलाई भ्रमित तुल्याएको भन्दै कालिञ्चोक गाउँपालिका पूर्व अध्यक्ष एवं नेकपा एमाले वाग्मती प्रदेश कमिटि सदस्य विन कुमार थामीले खेद प्रकट गर्नुभएको छ ।
निर्वाचनको समयमा विगतका घटनालाई अतिरञ्जित बनाएर विपक्षीहरुले प्रचारबाजी गरेको भन्दै विज्ञप्ती मार्फत ध्यानाकर्षण भएको जानकारी गराउनु भएको हो ।
विज्ञप्तीमा भनिएको छ,“घट्ना भएको वर्षौंपछि निर्वाचनको सम्मुखमा मेरो व्यक्तिगत र राजनीतिक चरित्र हत्या गर्नेगरी भैरहेको दुष्प्रचार प्रतिशोधपुर्ण, दुरासययुक्त र बदनियतका साथ गरिएको कुरा स्पष्ट पार्न चाहन्छु । मेरो नाम भजाएर समुदायप्रति र तमाम प्रतिसहानुभुति राखेजस्तो नाटक गरेर सोझासिधा जनता र समुदायलाई भ्रमित तुल्याउने र भोटको राजनीति गर्ने अनैतिक, अराजनीतिक गतिविधिको जति निन्दा गरेपनि कम हुन्छ ।
म विगत लामो समयदेखि नेकपा एमालेले अगिंकार गरेको बिचार, सिद्धान्त प्रतिबद्द रहि यो पार्टीमा संगठित र क्रियाशील व्यक्ति हुँ । नेकपा एमालेको आत्मासाथ गरेको जनताको बहुदलीय जनवादको सिद्धान्तको प्रयोगबाटै आम नेपाली र उत्पीडित वर्ग, जात, क्षेत्र र लिंगका समुदाय अधिकार सम्पन्न हुनसक्छन् भन्ने मेरो दृढ विस्वास छ । पार्टी, कालिञ्चोकबासी तमाम जनता र त्यहाँका सस्पूर्ण समुदायको साथ सहयोग र सद्भावका कारण मेलै गाउँपालिका अध्यक्ष हुने अबसर प्राप्त गरेको थिएँ । हाम्रो समुदायको राजनीतिक, आर्थिक, सामाजिक, सांस्कृतिक उत्थान नेकपा एमालेले गर्दै आएको र आगामी दिनहरुमा पनि गर्नेछ ।”
तत्कालीन समयमा भएको समसामयिक विषयलाई लिएर भ्रमको सिर्जना गरी भोट बटुल्न दुस्प्रयास गर्ने विपक्षीहरुलाई भोटको राजनीति गर्नुभन्दा पिछडिएको समुदायहरुको हकहित र अधिकारका लागि काम गरेर देखाउन सम्बन्धित पक्षलाई विज्ञप्तीमार्फत चुनौती दिन चाहन्छु भन्नु भएको छ ।
जातीय, क्षेत्रिय सद्भाव, सहिष्णुता, आपसी मेलमिलाप र एकताबद्ध समाजमा यस्ताखाले आधारहीन र भ्रमपुर्ण प्रचारले द्धन्द्ध र बिग्रह सिर्जना गर्नसक्छ । कुनै राजनीतिक एजेण्डा नभएपछि भ्रमको सहारा लिनु लज्जाको विषय हो । यस्ताखाले भ्रमका खेती गर्ने तत्वहरुबाट आम जनता सचेत हुन र भ्रमको पछाडी नलाग्न हार्दिक अपिल गर्दै आगामी मंसिर ४ गते हुने निर्वाचनमा नेकपा एमाले र एमालेका सम्पूर्ण उम्मेदवारहरुलाई सुर्य चिन्हमा मतदान गरी बिजय गराउनुहुन अनुरोध गर्दछु विज्ञप्तीमा भनिएको छ ।

स्थानीय तहको निर्वाचन २०७४ बाट कालिञ्चोक गाउँपालिकाका अध्यक्षमा निर्वाचित विन कुमार थामीको कार्यकालमा भएको केन्द्र विवाद र अन्य समसामयिक घटनालाई लिएर अहिले नेकपा एमालेको तर्फबाट प्रतिनिधि सभा सदस्य उम्मेदवार बालकृष्ण शिवाकोटीसंग जोडेर विभिन्न भ्रामक र कपोकल्पित भ्रम बाहिर आएपछि गाउँपालिकाका पूर्व अध्यक्ष एवं नेकपा एमाले बागमती प्रदेश सदस्य विन कुमार थामीले विज्ञप्ती जारी गर्दै यस्तो बताउनु भएको हो ।