दोलखामा प्रतिनिधी सभा र प्रदेश सभा सदस्य निर्वाचनमा सञ्चारमाध्यमको भुमिकाको विषयमा मिडिया अभिमुखीकरण कार्यक्रम आयोजना गरिएको छ ।

जिल्ला निर्वाचन कार्यलय दोलखाको आयोजनामा भएको कार्यक्रममा पत्रकार र  सञ्चारमाध्यले पालना गर्नुपर्ने आचारसंहिताको विषयमा जानकारी दिएको थियो ।

दोलखाका विभिन्न सञ्चारमाध्यममा आवद्ध पत्रकारहरुको सहभागिता रहेको उक्त कार्यक्रममा मुख्य निर्वाचन अधिकृत एवम जिल्ला न्यायधिश डिल्लीरत्न श्रेष्ठले चुनाव सौहादपुर्ण रुपमा सम्पन्न गर्न पत्रकारको भुमिकाको विषयमा जानकारी गराउनुभएको थियो ।

निर्वाचनलाई भयरहित वातावरणमा सम्पन्न गराउन सञ्चारमाध्यमले आयोगले दिएको निर्देशनहरुलाई गर्नुपर्ने पालनाको विषयमा जानकारी गराइएको थियो ।

मंसिर ४ गते हुने निर्वाचनमा दोलखामा ९४ मतदानस्थल र १ सय ९५ वटा मतदान केन्द्र तोकिएको जिल्ला निर्वाचन कार्यलय दोलखाका प्रमुख सकुन्तला राईले बताउनुभयो ।