राष्ट्रिय प्रजातन्त्र पार्टी दोलखा प्रदेश २ को तर्फबाट प्रदेशसभा सदस्य उम्मेदवार राजन शिवाकोटीले सुसंस्कृत समाज निर्माणको लागि उम्मेदवारी दिएको बताउनु भएको छ ।
शिवाकोटी स्वर्गीय विरध्वज शिवाकोटी र ललिताकुमारी शिवाकोटीका कनिष्ट सन्तानको रुपमा विसं २०२७ असोज २३ गते मा जन्मनुभएको थियो ।
करिब १० वर्ष (विस २०४८ देखि २०५७ सम्म शिक्षा पेसामा आवद्ध हुनु भएका शिवाकोटी २०५८ सालदेखि निरन्तर पत्रकारिता गर्दै आउनु भएको हो ।
राजधानी दैनिक र आर्थिक दैनिकमा काम गर्नु भएको थियो । उहाँले दोलखा जिल्लाबाट नवतरङ साप्ताहिक तथा आवाज अनलाइन प्रशारणको समेत काम गर्नुभयो ।
सञ्चार माध्यमसंग सम्बन्धित एजेन्सी सञ्चालन गरी डकुमेन्ट्री निर्माणको काम समेत गर्नुभयो ।
राजनीतिक सामाजिक जीवनबाट प्रेरित हुनुभएका शिवाकोटी विद्यार्थी कालबाट नैे राजनीतिमा सक्रिय हुनुभएको हो ।
प्रदेश सभा सदस्य भएसंगै नीति निर्माणमा विचार भन्दा माथि देशलाई राख्ने बताउनु भएको छ । यसैगरी प्रदेश २ का सबै नगर तथा गाउँपालिकासंग मिलेर आर्थिक,सामाजिक,शैक्षिक र स्वास्थ्यसंग जोडिएका समस्या समाधानमा जोड दिने भन्नु भएको छ । युवालाई विकासमा सहभागितासंग रोजगारीको सुनिश्चित गर्ने शिवाकोटीको भनाई छ ।
मंसिर ४ गते हुने प्रतिनिधि सभा र तथा प्रदेश सभा सदस्यको निर्वाचनका लागि राष्ट्रिय प्रजातन्त्र पार्टी दोलखाले उम्मेदवारी दर्ता गराएको छ ।
प्रतिनिधि सभा सदस्यका लागि विजय खड्काले मनोनयन दर्ता गराउनु भएको छ भने भने प्रदेश सभा ‘क’ मा राम बहादुर तमाङ र प्रदेश सभा ‘ख’ मा राजन बहादुर शिवाकोटीले उम्मेदवारी दर्ता गराउनु भएको हो ।