मंसिर ४ गते हुने निर्वाचनलाई स्वच्छ, मर्यादित र विश्वसनिय बनाउन दोलखाका सबै राजनितिक दलहरुले सहयोग गर्ने प्रतिबद्धता व्यक्त गरेका छन ।
मुख्य निर्वाचन अधिकृतको कार्यलय दोलखाद्धारा आयोजित सर्वदलीय बैठकमा दोलखाबाट उम्मेदवारी दिएका सबै राजनितिक दलहरुले निर्वाचनलाई भयरहित, स्वच्छ, निष्पक्ष बनाउन सहयोग पु¥याउने प्रतिबद्धता व्यक्त गरेका हुन ।
मंसिर ४ गते हुने प्रतिनिधी सभा र प्रदेश सभाको निर्वाचनलाई शान्तीपुर्ण रुपमा सम्पन्न गर्न सहयोगी भुमिका निर्वाह गर्ने प्रतिबद्धता व्यक्त गरेका छन ।
राजनितिक दलहरुले दोलखामा विभिन्न स्थानमा राखेको फलेक्स प्रिन्ट, ब्यानर, प्रचार सामग्री हटाउने, ४८ घण्टा अगाडी देखी सुरु हुने मौन अवधिमा निर्वाचन आचारसंहिता विपरित हुने गरी कुनै पनि प्रचारप्रसार र मतदातालाई प्रभावित पार्ने क्रियाकलाप नगर्ने प्रबिद्धता व्यक्त गरेको मुख्य निर्वाचन अधिकृतको कार्यलयले जनाएको छ ।
साथै निर्वाचनमा खटिएका कर्मचारी, सुरक्षाकर्मीलाई सहयोग पु¥याउने र मतदाताले निर्भयतापुर्वक आफैले मताधिकार प्रयोग गर्न पाउने अवस्थाको सुनिश्चितताको लागि प्रतिबद्धता व्यक्त गरेका हुन ।