दोलखामा मंसिर १५ गते पुन मतदान हुने भएपछि जिल्ला निर्वाचन कार्यलय दोलखाले तयारी तिव्र बनाएको छ ।
जिल्लाको तामाकोशी र वैत्यश्वर गाउपालिकाको १० वटा मतदान केन्द्रमा पुन निर्वाचन हुने भएपछि मतदान अधिकृत र सहायक मतदान अधिकृत छनौटको काम सुरु भएको छ ।
कर्मचारी छनौटको काम मंगलबार सकेर फिल्डमा पठाउने तयारी भइरहेका मुख्य निर्वाचन अधिकृत डिल्लीरत्न श्रेष्ठले बताउनुभयो ।

दोलखामा मतपत्र, मतपेटिका लगायत निर्वाचनको लागी आवश्यक सामग्री जिल्ला आइसकेको छ ।
एउटा मतदान केन्द्रमा ८ जना कर्मचारी परिचालन गर्ने गरी ८० जना कर्मचारी छनौटको काम अन्तिम चरणमा पुगेको मुख्य निर्वाचन अधिकृत श्रेष्ठले बताउनुभयो ।
त्यस्तै १५ गतेको निर्वाचनको लागी सुरक्षा व्यवस्था मजबुत बनाइएको प्रमुख जिल्ला अधिकारी भोजराज खतिवडाले बताउनुभयो ।

जिल्लाका मुख्य मुख्य नाकामा चेकजाचलाई कडाई गर्न थालिएको छ भने मतदान केन्द्र रहेको स्थानमा समेत चेकजाच मजबुत बनाइएको अधिकारी खतिवडाले बताउनुभयो ।
प्रहरी निरीक्षकको कमाण्डमा एउटा मतदान केन्द्रमा ४० देखी ५० जना प्रहरी खटाउने तयारी जिल्ला सुरक्षा समितीले गरेको छ ।
नेकपा एमालेले विभिन्न स्थानमा बुथ कब्जा भएको भन्दै उजुरी गरेपछि निर्वाचन आयोगको एउटा टोलीले जिल्लामा स्थलगत अध्ययन गरेको थियो ।
सो टोलीको सिफारिसका आधारमा निर्वाचन आयोगले मंसिर ४ को निर्वाचन रद्ध गरेर पुन मतदान गराउन मुख्य निर्वाचन अधिकृतको कार्यलयलाई आइतबार निर्देशन दिएको थियो ।
दोलखाको तामाकोशी गाउपालिकाको वडा नम्बर ३, वैत्यश्वर गाउपालिकाको वडा नम्बर २, ३ र ६ को १० वटा मतदान केन्द्रमा पुन मतदान हुन लागेको हो ।