लामो समयसम्म पानी नपरेपछि आकाशे पानीको भरमा खेतीपाती गदै आएका दोलखाका किसानहरु चिन्तित बनेका छन ।
खेती किसानीबाट जिविका चलाउदै आएका उनीहरुले लगाएको तरकारी र खाद्यान्न बाली गहु सुक्दै गएपछि चिन्तित बनेका छन ।
लामो समयसम्म पानी नपरेर सिचाइका अन्य विकल्प नपाएपछि धमाधम बोटमै तरकारी सुक्न थालेकाले किसानमा चिन्ता बढेको हो ।

त्यस्तै पुस महिना बित्न लाग्दा पनि हिउ नपरेपछि दोलखा शैलुङ क्षेत्रका किसानलाई आलु उत्पादन कम हुने होकी भन्ने चिन्ता सुरु भएको छ ।
आलु रोप्ने धमाधम समय भएपनि पुस अन्त्य हुन लाग्दा सम्म पनि हिउ नपर्दा आलुलाई चिस्यान नपुगेको किसानहरुको भनाई छ ।

अघिल्लो वर्ष यो समयमा पानीसंगै हिउपरेपनि यो वर्षको हालसम्म पनी पानी नपरेको हो ।
जमिनमा चिस्यान नहुदा लगाएको बाली मर्न थालेको किसानहरुको भनाई छ ।

हिउद महिनामा पानी र हिउ नपर्दा लगाएको तरकारीवाली र खाद्यान्नबाली सोचे अनुरुपको कमाई लिन नपाएको किसानहरुको दुखेसो छ ।