माघ १

दोलखाको सदरमुकाम चरिकोटमा रहेको च्छोरोल्पा जनरल अस्पतालले सेवामा ३० प्रतिशत छुट दिने कार्यको शुरुवात गरेको छ । भीमेश्वर नगरपालिका वडा नं ६ फुलवारी टोलका सदस्यलाई सेवामा ३० प्रतिशत छुट दिने भएको हो ।
सदरमुकाम चरिकोटमा रहेको च्छोरोल्पा जनरल अस्पतालका मेडिकल डाईरेक्टर विनोद दंंगाल र फुलबारी टोल सुधार समिती भीमेश्वर नगरपालिका ६ का अध्यक्ष गणेश शिवाकोटी विच आज सहमती पत्रमा हस्ताक्षर भएको हो । टोल सुधार समितिमा आवद्ध सदस्यका लागिे छुट सेवा प्रदान गर्ने अस्पतालले जनाएको छ ।
सदरमुकाम चरिकोटमा विशेषज्ञ सेवा सहित सुरुभएको अस्पतालले समुदायका कुनै पनि नागरिकहरु स्वास्थ्य उपचारबाट वञ्चित हुनु नपरोस भन्दै आज सम्झौता भएको हो । अस्पतालले शुरु गरेको छुटले आर्थिक अवस्था कमजोर भएकाहरुलाई थप उपचारको लागि सहयोग पुग्ने अस्पतालले विश्वास लिएको छ ।

भीमेश्वर नगरपालिका ६ फूलबारी टोलबाट शुरु गरिएको अभियान अन्य टोलमा पनि विस्तार गर्दै जाने अस्पतालको योजना रहेको छ । अस्पतालमा स्वास्थ्य उपचार गर्नुपर्ने समूदायका विरामीहरुले औषधी बाहेक सम्पुर्ण सेवा निशुल्क रुपमा पाउने अस्पतालका प्रशासन प्रमुख सर्मिला बुढाथोकीले बताउनु भयो । सम्झौता पत्रमा हस्ताक्षर गर्दै अस्पतालका मेडिकल डाईरेक्टर विनोद दंगालले पैसा अभावमा कसैले पनि अकालमा ज्यान गुमाउनु नपरोस भन्ने उद्देश्यले समूदायको सहजताका लागि स्वास्थ्य सेवा प्रदान गर्न सम्झौता भएको बताउनुभयो ।

अस्पतालमा शल्यक्रिया सहित अत्याधुनिक मेसिनबाट इन्डोस्कोपी, भिडियो एक्सरे,इसीजि एक्सन्ट्र प्रयोगशाला लगायतका सेवा अस्पतालले दिदै आएको छ । डाक्टर दंगालले जिल्लाका कुनै पनि विरामी आर्थिक अवस्था कमजोर भएर अस्पताल सम्म आउन नसक्ने भए अस्पतालमा खबर गर्न आग्रह गर्दै घरमै पुगेर सेवा दिने समेत प्रतिवद्धता व्यक्त गर्नु भएको छ ।