दोलखाको कालिञ्चोक गाउँपालिकाको कटुवाचौरमा गएराति आगलागी हुँदा ९ घर पुर्णरुपमा जलेर नष्ट भएका छन् । गएराति १०ः ५५ बजेतिर आगलागी हुँदा कालिञ्चोक गाउँपालिका वडा नम्वर ९ कटुवारचौरका ९ घर पुर्णरुपमा जलेर नष्ट भएको वडा अध्यक्ष रामप्रसाद मैनालीले जानकारी दिनुभयो ।
वडाध्यक्ष मैनालीका अनुसार आगोलागीबाट चित्र प्रसाद सेढाईं, नवराज सेढाई, दुर्गा ओली,गोपीलाल थामी, शङ्करकुमार ओली,रुद्र बहादुर ओली,अमृता ओली,राम थामी र राजु सेढाईको पक्की घर पुर्णरुपमा जलेर नष्ट भएको हो । आगलागीबाट घर भित्र रहेको सबै सामनहरु जलेर नष्ट भएको छन भने चौपाया समेत जलेर नष्ट हुँदा साँढे ४ करोड भन्दा वढीको क्षति भएको प्रहरी जिल्ला प्रहरी कार्यालय दोलखाले जनाएको छ ।
विद्युत सर्ट भएर आगलागी भएको हुनसक्ने आशंका गरिएको छ । भीमेश्वर नगरपालिकाको दमकल सहित खटिएको प्रहरी र सशस्त्र प्रहरी स्थानीय टोलीले आगो नियन्त्रणमा लिईएको थियो ।