माघ २०

सत्यश्वर माध्यमिक विद्यालय मेलुङ १ पवटीको ६४ औ स्थापना दिवस तथा वार्षिक साधारण सभा सम्पन्न भएको छ ।
गाउँपालिकाका अध्यक्ष हिरा कुमार तमाङको प्रमुख आतिथ्यतामा सम्पन्न स्थापना दिवस एवम साधारण सभामा विद्यालयको प्रगति एवम आर्थिक प्रतिवेदन विद्यालयका प्रधानाध्यापक मुकुन्द प्रसाद उप्रेतीले प्रस्तुत गर्नुभएको थियो ।

विद्यालय व्यवस्थापन समितिका अध्यक्ष कपिलमणि न्यौपानेको अध्यक्षतामा सम्पन्न कार्यक्रममा विद्यालयका अक्षयकोषदाता एवम समाजसेवी विदुर शर्मालाई दोसल्लासहित सम्मान गरिएको छ ।
यसैबीच विद्यालयमा लामोसमय शिक्षण सेवा गर्नुभएका पूर्व शिक्षकहरुको सम्मान गरिएको छ । सम्मानित हुनुहुनेमा भवानी प्रसाद वली,ईश्वर कोइराला,छत्रराज उप्रेती, तारानाथ उप्रेती, शोभित उप्रेती, शिवराम उप्रेती रहनु भएको छ ।

कार्यक्रमको अवसरमा विद्यालका विद्यार्थीलाई विभिन्न प्रकृतिका छात्रवृत्ति र उत्कृष्ट एवम जेहेन्दार छात्रवृत्ति वितरण गरिएको छ ।
कार्यक्रमको स्थापना दिवसलाई गाउँपालिका प्रमुख हिरा कुमार थोकर,उपाध्यक्ष गायत्री आचार्य,अक्षयकोषदाता विदुर शर्मा,गाउँपालिका प्रवत्ता एवं वडाध्यक्ष नवराज खड्का,वडाध्यक्ष ईश्वर कोइराला लगायतले सम्बोधन गर्नु भएको थियो ।