फागुन ४
दोलखाको सदरमुकाम चरिकोमा रहेको च्छो–रोल्पाजनरल अस्पताल प्रा.लिको १७ औ वार्षिक उत्सव सम्पन्न भएको छ ।
पृथ्वी बहादुर श्रेष्ठको अध्यक्षतमा भएकोमा अस्पतालका मेडिकल डाइरेक्टर डाक्टर विनोद दंगालले ३ करोड ४६ लाख ६६ हजार १ सय ६२ रुपैँया बराबरको आर्थिक प्रतिवेदन प्रस्तुत गर्नु थियो ।
वार्षिक उत्सवको अवसरमा अस्पतालका उत्कृष्ट कर्मचारीहरु जीवन दुवाल, सुनिता तमाङ, अनिता थापा, रविना चौलागाई, करिश्मा लामा सम्मानित भएका छन् । कार्यक्रममा एम्बुलेन्स चालक नारायण सुवेदी,कार्यालय सहयोगीहरु वीर वहादुर थापा,पम्फा थापा,जित बहादुर दाहाल,पूर्व कर्मचारी डाक्टर सन्तोषकुमार यादव लगायतलाई सम्मान गरिएको गरिएको छ ।
अस्पताल सहयोग गर्ने स्वास्थ्य कार्यालय दोलखा,भीमेश्वर पालिकाको वडा नम्वर ६ को वडा कार्यालय,पशुपति चौलागाईं स्मृति अस्पताल दोलखा,नेपाल रेडक्रस सोसाइटी जिल्ला शाखा ,नबिल बैङ्क दोलखा, मध्यपुर अस्पताल ठिमी,जिल्ला प्रहरी कार्यालय दोलखा,तारादल गण लगायतका संघसंस्थालाई सम्मान गरिएको अस्पतालले जनाएको छ ।
सभामा भीमेश्वर नगरपालिका मेयर ईश्वर नारायण मानन्धर,प्रमुख जिल्ला अधिकारी शेखर पौडेल,नेपाल पत्रकार महासंघ केन्द्रीय सदस्य रमेश
खतिवडा,नेपाल पत्रकार महासंघ दोलखाका अध्यक्ष दीपशंकर चौलागाई उद्योग वाणिज्य संघ दोलखाका अध्यक्ष इन्द्र बहादुर श्रेष्ठ,अस्पतालका प्रशासन प्रमुख शर्मिला बुढाथोकी लगायतले मन्तव्य व्यक्त गर्नु भएको थियो ।
१ सय शैयाको अस्पतालले गुणस्तर सेवासंगै घर–घरमा सेवा सुरु गरेको छ ।